TIRANË – “Pse mos bëjmë një debat publik për shëndetësinë dhe për “kush duhet t'u kërkojë ndjesë” jo vetëm infermierëve, po dhe të vdekurve e të gjallëve?” Ky është reagimi i kryesocialistit Rama, formuluara si pyetje dhe kërkesë njëherësh, ndaj kreut të Qeverisë, menjëherë pas deklaratës publike të kryeministrit Berisha.

“Një kardiolog në pushtet, që rrënoi shëndetësinë dhe një Këshill Ministrash, që takson më shumë infermieret se veten, duhet të ikë me vrap e të fshihet!Po nëse ia mban zemra debatin, le t'i zgjedhë vetë, vendin, formatin, gazetarët, ditën, orën dhe le t'i shohim aty pastaj sukseset në shëndetësi”, ka vazhduar Rama në Twitter, duke përforcuar kërkesën e shpeshtë të socialistëve për ballafaqime të kësaj natyre për çdo sektor. Redaksia online
(ar.sh/shqiptarja.com)