KORÇË- Ashtu siç ishte paralajmëruar më parë, do të ketë 'ndëshkim' për të gjithë fermerët që lenë tokën djerrë. Nga një takim me fermerët në Dvoran të Korçës, kryeministri Edi Rama tha se ata që do ta lënë tokën djerrë do të kenë super taksim, çka do të thotë do t’iu vendoset një taksë shumë e lartë nëse nuk e punojnë tokën vetë, ose t’a japin me qira. Rama tha se kjo nismë synon që të shfrytëzohet çdo centimetër tokë që lihet e papunuar.
"Super taksim të tokës djerrë, jepe ta punojnë ose punoje vetë. Për titujt e pronësisë në zona të caktuar, në mënyrë që të shfrytëzojmë çdo metër tokë, si qenka kjo që bujqësia paska marr të tatëpjetën kur punohet dyfishi i tokës bujqësore. Për dy arsye, se kemi çuar ujin në parcelë, se fermeri s’mund të sjell ujin nga mali në fermerë dhe e dyta sepse nuk kishte pika grumbullimi”, tha Rama.
Ndalur në arritjet e bujqësisë, Rama tha se ky sektori ka njohur arritjet më të mëdha këtë vit, por ende nuk është në nivelin ku qeveria synon ta çojë sektorin e bujqësisë. Vetëm këtë vit, kreu i qeverisë theksoi se për bujqësinë është dhënë një fond prej 50 mln dollarë, fondi më i lartë i dhënë ndonjëherë për bujqësinë.
“Bujqësia sot është ai asnjë vit dhe asnjë ditë më parë si deri më sot, por në raport me atë ku duam të arrijmë jemi ende në hapat e parë pas një ringritje. Kam disa fakte. Bujqësia shqiptare ka pasur nivelet më të qëndrueshme mes vendeve të rajonit dhe nivelet më të lartë të rritjes së sektorit. Shembull duke qenë se jemi të përfshirë në Open Balkan edhe për të ndihmuar fermerët, blegtorët, agro përpunuesit me tregje më të aksesseshme, nëse Shqipëria ka pasur 1.5%, Maqedonia 0.1%, -5.4% Serbia. Sipas bankës botërore, raporti i shtatorit, që ka bërë një analizë të thellë të efekteve të krizës kudo në mbarë botën, Shqipëria ka nivelin e inflacionit të çmimeve të produkteve ushqimor me të ulëta se të gjitha vendet e rajonit. Bujqësia është mbështetur me fondin më të lartë të mbështetur ndonjëherë, gati 50 mln dollarë dhe 50% më shumë sesa fondi i miratuar në fillim të vitit, për shkak të krizës dhe nevojës për të mos i lënë fermerët vetëm. Mbi 50 mijë ton produkte bujqësore të eksportuara në dhe më gjerë. 37.6% të sasisë e përbën eksporti i frutave dhe perimeve”, tha Rama.
Edhe njëherë Rama e vuri theksin projekti që u ka bërë thirrje fermerëve që të bashkëpunojnë me bashkinë për të ngritur pika grumbullimi e përpunimi, ku vetë ata të jenë aksionerë.
“S’kemi pse presim që për të pasur një frigorifer të na vijë një sipërmarrës. Duhet ta bëjmë vetë. Ju dhe bashkia duke krijuar një shoqëri të përbashkët. Ju duke futur 1 lekë, bashkia 5 lekë dhe pastaj 24 lekë qeveria dhe kjo është pronë e përbashkët e juaja dhe e bashkisë”, tha Rama.
Kreu i qeverisë tha se inflacioni i produkteve ushqimore në Shqipëri është ndër më të ulëtit se vendet e rajonit.
"Rritja e çmimit të produktet ushqimore në Shqipëri është sa gjysma e rritje së verifikuar pothuaj në të gjitha vendet e rajonit. Këto janë fakte që lidhen nga një anë me fuqizimin e sektorit dhe nga ana tjetër me politikën e qeverisë për të mos ngarkuar konsumatorin familjar", theksoi Rama.
Sipas Ramës, këto pasoja ekonomike janë reduktuar nga politikat e qeverisë për të mos reflektuar tek konsumatori familjar dhe biznesni i vogël rritjen e çmimit të energjisë elektrike.
Deputeti i PD-së Ervin Salianji deklaron se qeveria i godet fermerët për të mbështetur bizneset e veta të shpërndarjes.
Duke iu referuar takimit të kryeministrit Edi Rama me fermerët në Dvoran, Salianji shkruan se fondet nuk kanë shkuar tek fermerët që punojnë, por tek oligarkët lokalë.
‘Qeveria është barra më e rëndë për fermerët!
Sot në Dvoran Rama nuk takoi fermerë, por klientelën që i ka dhënë miliona euro!
Fondet nuk kanë shkuar tek fermerët që punojnë, por tek oligarkët lokalë, ato janë përdorur për të pasuruar klientë apo për favorizime politike, prandaj sot Rama nuk takon dot dhe as përballet me fermerët! Qeveria nuk ka shpjegim se si në bashkëpunim me kartelet ka rritur çmimin e farave, plehrave kimikë dhe pesticideve. Naftën e përdorën vetëm si instrument mashtrimi gjatë fushatës, taksën e tokës e rrisin çdo vit. Prodhimet në shumicën e rasteve hidhen në kanale ose shiten me çmim në kosto.
Në prodhim fermerët paguajnë çmim më të shtrenjtë se Greqia për plehrat kimike, paguajnë çmime më të shtrenjta për farat, paguajnë çmim më të shtrenjtë për naftën se shumë nga vendet e BE dhe Maqedonia, çmimi i e energjisë dhe taksa e tokës po ashtu e rritur. Gjithçka sepse qeveria favorizon monopolet dhe bizneset e lidhura me të.
Subvencionet janë zero për fermerët, ato shkojnë me miliona euro tek klientët e qeverisë.
Produkti në shumicën e kohës hidhet nëpër kanale apo kalbet në magazina sepse askush nuk kujdeset, qeveria i godet fermerët për të mbështetur bizneset e veta të shpërndarjes!
Fermerët janë larguar nga Shqipëria duke i zbrazur fshatrat, ata që kanë mbetur nuk po mbijetojnë dot!
Protesto!’- shkroi Salianji.
Komente
Lajme të tjera
-
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Korçë/ Shiste fishekzjarre kontrabandë, vihet nën hetim pronarja e subjektit (VIDEO)
18 Dhjetor, 10:05 -
Mjegulla mbulon Korçën dhe akset nacionale, policia apel shoferëve: Qarkulloni me shpejtësi të reduktuar (VIDEO)
18 Dhjetor, 09:18 -
Korçë/ Përfshihet nga flakët banesa, shkak një shkëndijë elektrike! Shkrumbohet nga zjarri edhe një shtëpi në Kolonjë! Shpëtojnë familjarët (VIDEO)
18 Dhjetor, 09:13 -
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42 -
Korçë/ Aksident pranë fshatit Libonik, mjeti del nga rruga dhe kthehet përmbys! Policia në vendngjarje
17 Dhjetor, 20:32 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Ben Andoni: Politika nuk i njeh më shqiptarët
17 Dhjetor, 17:42
-
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40
para se to vesh takse duhet tu sigurosh bujqve shitjen e produkteve,,,,por per mua keto jane flluskat e rames,,per te hequr vemrndjen nga vjedhjet ne inceneratore e tendera...
PërgjigjuKjo eshte lajthitje! Nuk mund t'a taksosh njeri ne nje vend demokratik pse e le token djerre.Eshte e drejte e tij te beje si te doje me token,por duket qe Rama ka qejf te paguaje demshperblimin e rradhes kur t'a detyroje Strasburgu t'a heq kete taksim idiot.Pastaj kush do t'a punoje token? Ne shume zona kane mbetur vetem pleqte,ne disa te tjera,te zotet e tokave jetojne ne qytet,ose jashte,kurse te tjeret nuk i kane mundesite ekonomike.Modernizo bujqesine ore zoteri, se jemi akoma ne mesjete.Fermeret tane vetem traktorin,kombajnen e zetorin njohin,kurse bota perdor makina supermoderne.Dy veta te vdiqen para disa ditesh duke te mbledhur ullinj,kurse bota i mbledh me makineri.Ketu ku jam une,ka makineri qe mbledhin domatet,misrin qe e zhvokshin edhe nga levozhga e mustaqet direkt ne fushe,ka makineri qe mbjellin me kompjuter.Sill makina te tilla qe t'i jape shteti me qera,modernizo bujqesine,sill metoda te reja te mbjelljes,punimit,shfrytezimit te tokes e vjeljes;aktivizo kimistet,agronomet,gjeologet dhe specialistet e tokave,hap faqe shteterore ne internet ku t'i ndihmosh fermeret te gjejne treg shitje e perpunimi,pastaj hajde dhe vendosju taksa per toka djerre.Bej detyren tende qe dhe fermeret te bejne detyren e tyre.Dikush mund te thote qe jemi ne kapitalizem,secili behet zot i vetes e fatit te tij.Jo,jo fermeri shqiptar qe nuk ka as njohurite e duhura,as mjetet e duhura.Duhet qe shteti te hape shtegun i pari.
PërgjigjuDo ishte mire t'u sigurohej kanale vaditje, magazina frigoriferike, rruge fshati normale, para se te vihet ky ndeshkim. Fshatari s'eshte se s'do ta punoje token, se nuk di te beje gje tjeter, por nuk i del leverdia. Mbase ca me shume subvencionim e kontroll mbi farat, bashke me vaditjen e siguruar.
PërgjigjuShumë mirë zoti km. Ndryshe fshati nuk zhvillohet. Duhet super taksim për ata që lënë tokën djerrë, për ata që nuk mjelin lopët dhe për ata që nuk u bëjmë "ysmetin" grave të tyre. Madje t'jua sekuestrojnë dhe ti japin me ppp
PërgjigjuKjo nuk eshte nisme per te puniar token por per ta zhvatur ate per llogari te organizates kriminale rrumpallrama.
PërgjigjuHajde kryeminister,hajde gazi botës e gjyryku Lohës po behesh. Jepi o primari Nr1 i RILINDJES,kaloja Salihut tend te shtrenjtë! URIME!!!
PërgjigjuTe gjith duhet ta punojn token qe kan per te miren e tyre dhe te miren e perbashket
Përgjigjuketo jane taktika qe e ndimojne me te vertete shume fermeret dhe blegorine bujqesine bashk
PërgjigjuToken lum kush e ka e lum kush e punin se vec te mira i sjell
PërgjigjuHë më të lumtë mo shoku Edvin,sa po e gzon shokun Enver edhe te vdekur prej 37 vjetësh.Taksë veru këtyre derrave te pasur që lenë brigjet djerrë dhe të japin edhe votën ty e partise tënde. Jepi shoku Edvin,perpara per fitorje te reja ne zgjedhjet e ardheshme.
Përgjigju