Lulzim Basha me sjelljen e tij në këtë fushatë elektorale, me mitingje dhe grumbullime të militantëve pa respektuar masat anti COVID, po rrezikon jetën e njerëzve. Deklaratën e bëri sot nga Elbasani Kryeministri Rama. Teksa zhvilloi një takim prezantues me kandidatët për deputetë në këtë qark, ka kritikuar fushatën e kreut të PD-së, i cili së fundmi ka zhvilluar takime në turma njerëzish, megjithëse jemi në pandemi.
Rama theksoi se Basha po rrezikon në këtë formë jetën e qytetarëve, ndërkohë që shtoi se nuk mund të vaksinojmë intensivisht nga njëra anë, dhe nga ana tjetër të tallen duke abuzuar.
‘Ne po bëjmë detyrën tonë për të respektuar rregullat duke respektuar njerzit, duke rrespektuar të drejtën themelore të secilit për jetën dhe për shëndetin. Të tjerët po shfaqin një nga tiparet e tyre më të kqija, ky që po shfaqin është një tipar i politikës së rrugës dem babadem me gjoja grumbullime spontane tek vetura e Boratit i cili del mbi veturë dhe përshëndet dasmorët klitharalk me dy gishta e flamuj pa marrë aspak parasysh që kështu rrezikohet shëndeti i tyre e i familjarëve të tyre. Lufta me armikun e padukshëm është sfida e sfidave. Zmbrapsja e virusit është sfida e sfidave. Nuk mund të vaksinojmë intensivisht nga njëra anë dhe të tallemi nga ana tjetër. Është abuzive këtë nuk mund ta bëjë një forcë politike që ofrohet si alternativë qeverisëse, ky skuthllëk është tipar i karakterit të tyre politik dembabadem. Në do të gjemën mënyra për të angazhuar njerëzit me komunikimet tona por asnjëherë nuk do të biem pre e turmave. ‘- tha Rama.
Në aktivitetin e zhvilluar sot prezantuan programin për Elbasan dhe objektivat edhe Taulant Balla, drejtuesi politik i PS-së në Elbasan, si dhe Evis Kushi, kryesuesja e listës se kandidatëve të mazhorancës në Qarkun Elbasan.
Drejtuesi politik i Partisë Socialiste në Elbasan Taulant Balla deklaroi nga Elbasani se ato do të fitojnë edhe mandatin e 9 në këtë qark. Po ashtu Balla theksoi se lista e LSI-së është si një thes ku janë fshehur persona që janë në kërkim nga drejtësia.
‘Dash Sula duhet të përfaqësojë në Kuvend Dumrenë, provokim dhe fyerje më të mëdha të asaj krahine nuk ka. PD e ka fshirë fare nga lista. Lista e fallxhores, ka një listë brenda së cilës janë fshehur persona që janë në kërkim nga drejtësia, dhe që kanë abuzuar me financat publike. Të vish në 2021 të dy listat edhe PD edhe LSI që nuk kanë asnjë lloj lidhje me Elbasanin është fyese. Detyra jonë është jo të arrijmë objektivin minimal, unë kam qenë i mendimit të isha i 9 pasi unë jam besim plotë se ne do ta marrim mandatin e 9. Ka qenë një vendim unanim dhe është një shprehje kuptim plotë. Mandati i 9 i socialistë në Elbasan ne do ta fitojmë falë angazhimit tuaj dhe punës që është bërë. Vlera e investimeve për frymë në Elbasan nuk ka pësuar ndryshime pavarësisht pandemisë dhe tërmetit.’- tha Balla.
Kryeministri Edi Rama nga qyteti i Elbasanit ka ironizuar kandidatit për deputet të Partisë Demokratike në Elbasan, Dash Sulën, për të cilin tha se kush nuk e mban mend është ai që si laraskë me armë u hodh për të kapur arbitrin në fushë.
‘Dash Sula është kthyer Dash Sula vetë Dash Sula! I cili në pikën më impresionuese të karrierës ke pasur në stadiumin e Peqinit. Për ato që nuk lidhin emrin me figurën, është ai pamjet e të cilit bënë xhiro në media, ku doli si laraskë, se shqiponjë është fjalë e madhe, doli si laraskë me pistoletë për të kapur arbitrin. Me Dash Sulën fiton Shqipëri Shqipëria fiton me Dash Sulën.! Dash Sula është hata fare, Elbasanit në Aleksandër Xhuvanit i prezantohet Dash Shula. Ka qenë deputet në shekullin e kaluar dhe rikthehet si një huligan veteran. Kjo është Shqipëria që fiton me Dash Sulën. O zot, Dash Sula!’- tha Rama.
Kryeministri Edi Rama nga qyteti i Elbasanit ka deklaruar se janë bërë investime në fushën e shëndetësisë. Rama tha se deri drejt spitali i Elbasanit ishte një paradhomë për botën tjetër sa i përket infrestukturës dhe lënies në mëshirë të fatit.
‘Është fakt transforimi i sektorit të shëndetësisë spitali i Elbasanit ishte një paradhome e botës tjetër nga pikëpamje e infrastrukturës dhe lënies në mëshirë të aftit të trupës mjekësore. Bashkë me Evisin më vjen shumë mirë që kemi dhe Destantilën, e cila ka krijuar një imazh, një reputacion një respekt të madh në komunitet si njeriu që transformimin e infrastrukturës së spitalit e vuri në dispozicion të njerëzve dhe motivoi trupën dhe krijoi një sinergji jo domosdoshmërisht të lehtë, midis modernizimi të infrastrukturës dhe nivelit të sjelljesh dhe shërbimit.’- tha Rama.
Në takimin e zhvilluar mes Kryeministrit Rama dhe kandidatëve për deputetë të Qarkut Elbasan, në fjalën e saj përshëndetëse Evis Kushi ka nënvizuar fillimisht se është “është nder dhe privilegj i lartë që të jemi pjesë e skuadrës së PS të Elbasanit”.
“Për secilin prej nesh, nuk ka rëndësi nëse jemi i pari, i dyti apo i katërmbëdhjeti i kësaj liste, sepse ne jemi që të gjithë një skuadër që punon e lufton çdo ditë për të treguar energji dhe sinergji pranë qytetarëve” – tha Kushi duke cilësuar pse është i rëndësishëm mandati i tretë i PS:
“Në fakt, ne i kemi përsëritur gjithmonë që mandati i tretë i PS nuk është një qëllim në vetvete, por është mekanizmi i vetëm që na mundëson vazhdimin e reformave rrënjësore që kemi nisur; vazhdimin e betejave të rëndësishme që ne kemi nisur së bashku; betejën për rindërtimin pas tërmetit të 26 nëntorit; betejën e vaksinimit për të mposhtur pandeminë e COVID-19, e po ashtu për rimëkëmbjen e ekonomisë, integrimin Evropian; për arsimin, për shëndetësinë, e kështu me radhë në të gjitha fushat”.
Kushi u shpreh gjithashtu se “Populli i Elbasanit është një popull i mençur, një popull i urtë që di ta bëjë mirë diferencën midis planit tonë të veprimit dhe atyre që të vetmen alternativë kanë përçarjen, dhunën, konfliktin, baltën, shpifjen. Dhe unë jam e sigurt që populli i Elbasanit në 25 prill do të votojë për ata që punojnë”.
Gjatë fjalës së saj, Kushi u ndal gjithashtu edhe tek projekti për transformimin e lagjes “Kala” të Elbasanit:
“Ju kryeministër në vizitat e fundit që keni bërë këtu në Elbasan e keni mbështetur projektin për ta transformuar “Kalanë” e Elbasanit në një destinacion turistik, i cili do të sjellë zhvillim social, kulturor, ekonomik, për të gjithë qytetin. Në fakt, duket sikur unë kam konflikt interesi kur e përmend këtë gjë, por jam e bindur që njësoj si unë mendojnë jo vetëm anëtarët e kësaj skuadre, por të gjithë qytetarët e Elbasanit sepse transformimi i kësaj kalaje do të sjellë zhvillim jo vetëm për banorët e saj, por për të gjithë banorët e Elbasanit, madje dhe më gjerë se sa kaq. Kështu që unë kam shumë besim që ky projekt që do të fillojë së shpejti, sepse bashkia e Elbasanit e ka gati dhe unë kam shumë besim që puna do të shkojë shumë mirë, po ashtu sikurse me të gjithë projektet e tjera kemi gati, në mandatin e ardhshëm Elbasani do të ketë edhe shumë gjëra të tjera. Dhe ne si pjesë e skuadrës që PS do të krenohemi me punët që kemi bërë dhe me ato që do të vazhdojmë” – mbylli fjalën e saj, Kushi.
Kryeministri Edi Rama nga qyteti i Elbasanit ka sulmuar koalicionin e opozitës, ku tha se kushdo që kërkon të kthehet në qeveri do të rrëmbejë copën e vet.
‘Por nuk kanë reflektuar për asgjë. Duan sot të marrin votën për të qeverisur. A e kuptoni që të gjithë këto që janë pjesë e këtij koalicioni janë pengmarrësit, të cilët e kanë të pamundur të qeverisin, pasi secili kërkon copën e vet. Duhet ta çojmë më tutje dhe jo ta kthejmë mbrapa. Fatmir Mediu kërkon të kthehet në qeveria, o karriken s’ka. Dash Shehi, Shpëtim Idrzi dhe Vangje Dule duan të kthehen në qeveri. Nard Ndoka do të kthehet në qeveri, por ky është më i vlefshmi nga të gjithë këta se na bën të qeshim. Do të jetë qeveria e Monikës, dhe e Ilir Metës. Mandati që po mbyllim është një mandat i thyer në mes nga dy goditje të tmerrshme, tërmeti dhe pandemia dhe ja kemi dalë. Shikoja dje në Itali rradhat që po bëheshin në pikat ku jepen ushqime falas për njerëzit. Nuk është një situatë rozë askund. Por falë përpjekjeve të mëdha që kemi bërë ja kemi dalë. Dhe do t’ja dalim deri në fund.’- tha Rama.
Komente
Lajme të tjera
-
Elbasan/ Vodhi 115 kilogramë bakër në uzinën mekanike që administronte dhe bëri denoncim të rremë në Polici, arrestohet 41 vjeçari
4 Nëntor, 10:41 -
Komedia ‘Horoskopi babilonas’ në teatrin ‘Skampa’ në Elbasan! Ironi e të qeshura
4 Nëntor, 10:00
-
Korrupsioni në Universitetin e Elbasanit, Prokuroria jep detajet për 7 pedagogët dhe sekserin: U morën si provë filmimet, procesverbali i lëndëve dhe u kontrolluan banesat
3 Nëntor, 15:25 -
‘Furtuna’ në Universitetin e Elbasanit! 6 pedagogë të arrestuar, profesoresha e 'Letërsisë pë fëmijë' ende në kërkim! Akuzohen se kaluan në provime 31 vjeçaren për të marrë rryshfet
2 Nëntor, 09:41 -
‘Furtunë’ në Universitetin e Elbasanit, arrestohen 7 pedagogë të Mësuesisë! U merrnin studentëve deri në 500 euro për provim, në pranga edhe sekseri (EMRAT)
1 Nëntor, 22:10
-
Mbahet edicioni i parë i çmimit ‘Sami Frashëri’ në Belsh, Ben Blushi me ‘Komplotin’ shpallet shkrimtari më i mirë
1 Nëntor, 18:40
-
Aksident në tunelin Elbasan-Tiranë, makina përplaset me kamionin, përfshihet nga flakët! Plagosen 3 persona
1 Nëntor, 13:30 -
Elbasan/ Pjesë e një bande kriminale të trafikut të drogës, bie në pranga 60-vjeçari! Theu masën e sigurisë dhe nuk iu bind policisë të ndalonte
1 Nëntor, 11:25 -
Hektor Mushi nuk justifikoi dot pasurinë, KPA e Vettingut lë në fuqi shkarkimin e prokurorit të Elbasanit! Detajet e dosjes (VENDIMI)
31 Tetor, 16:50 -
Elbasan/ E rëndë në fshatin Pajovë, përplasen dy makina! Njëra humb kontrollin dhe përplas për vdekje fëmijën 8 vjeçar që po rrinte në trotuar! Arrestohen dy drejtuesit
31 Tetor, 15:08 -
Bllokuan rrethrrotullimin e Bradasheshit, Gjykata liron nga burgu 3 protestuesit e PD, do hetohen në liri! 3 ende në kërkim dhe 20 nën hetim (LISTA)
31 Tetor, 15:05 -
Protesta e opozitës/ 3 të arrestuar në Elbasan, 3 në kërkim! Në hetim 20 protestues dhe 3 deputetët të PD
30 Tetor, 09:45
BRAVO evis,,je shume e mire dhe profesionale...
PërgjigjuPrezanto dhe Celajt
PërgjigjuI prezantoi me 14 Mars Tani me 24-25 prill si dhe kur te numerohen votat