Kryeministri, Edi Rama ndodhet për një vizitë në Zagreb, për samitin dy ditor të Iniciativës së Europës Qendrore, ku ka patur një takim me kryetarin e Parlamentit kroat, Gordan Jandrokviç. Kreu i qeverisë e ka njoftuar vizitën e tij, përmes një statusi në faqen e tij në Facebook ku tregon që në fokus të këtij takimi kanë qenë rritja e bashkëpunimit dhe miqësia tradicionale mes dy vendeve.
Gjithashtu, në këtë takim ka marrë pjesë edhe ministri i Brendshëm, Sandër Lleshaj.
“Zagreb, një takim miqësor me kryetarin e Parlamentit kroat Gordan Jandroković, me të cilin bashkëndamë kënaqësinë për miqësinë tradicionale mes dy vendeve”, shprehet kreu i qeverisë Edi Rama në facebook.