POP 5

Lajmet më të lexuara të 5 minutave të fundit

Politikë

Rama takon tregtarët e njësisë 7:
Do zerojmë taksën e biznesit të vogël

Kryetari i Partisë Socialiste vijoi pasditen e sotme takimet me tregtarët e vegjël në njësinë bashkiake nr.7 në kryeqytet. Ankohen tregtarët: Këtë vit s'e kam parë prej 20 vitesh.
Rama takon tregtarët e njësisë 7: <br />Do zerojmë taksën e biznesit të vogël
TIRANE - Kryetari i Partisë Socialiste  vijoi pasditen e sotme takimet me tregtarët e vegjël në njësinë bashkiake nr.7 në kryeqytet. Edi Rama është ndalur për të biseduar me tregtarët, të cilët shprehen se kriza, rritja çmimeve, rritja e taksave po e çojnë biznesin e tyre drejt falimentit. Kryesocialisti është shprehur se ai i konsideron këto aktiviteteve si vetëpunësim dhe me të ardhur në qeveri gjëja e parë që do të bëjë do të jetë zerimi i taksës së biznesit të vogël.

”Gjithë të ardhurat e shtetit nga biznesi vogël në total janë 30 milionë dollarë, që është 0.5% e të ardhurave nga taksat. Ne do ta heqim taksën e biznesi të vogël do ta bëjmë zero dhe këto 30 milion do t’i kompensojmë në rrugë tjetër, nuk do t’ja marrim biznesit të vogël, sepse vërtet janë 0.5% e buxhetit, por janë dhjetëra mijëra familje të vetëpunësuara me biznesin e vogël,” tha Rama.

Tregtarët e njësisë 7 janë shprehur se gjendja e tyre sa po vjen e vështirësohet. Një grua i tregoi Edi Ramës se ka 20 vjet që merret me tregti, por më keq se këtë vit nuk e ka pasur në të 20 vitet e aktivitetit të saj.

“Taksat janë rritur 70 mijë lekë, qarkullojmë me xhiron, jo me fitimin...S’ka bërë vaki, unë kam 20 vjet që merrem me tregti. 20 vjet dhe si sivjet kurrë s’ka bërë vaki. Çfarë të bëjmë, rrimë qarkullojmë me xhiron, jo me fitimin. Ja shih e shkruaj. Taksat, mua më janë shtuar 70 mijë lekë dhe sigurimet shoqërore janë shtuar me 8 mijë lekë.”- tha tregtarja.

Rama në bisedë me këta sipërmarrës të vegjël të njësisë nr. 7 është shprehur se për shtetin heqja e taksës së biznesit të vogël ka një kosto në buxhet minus 30 milionë dollarë, por janë dhjetëra mijëra familje që duhet ndihmuar për ta rigjeneruar këtë biznes në të gjithë vendin.
(eç/shqiptarja.com)

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

DASH e shpalli ‘Non Grata’ Berishën, 65% e shqiptarëve e mendojnë të drejtë vendimin amerikan

DASH e shpalli ‘Non Grata’ Berishën, 65% e shqiptarëve e mendojnë të drejtë vendimin amerikan

29 Mars, 23:54