Kryeministri Edi Rama ka një lajm të mirë për të gjithë familjet që kanë mbetur në qiell të hapur nga tërmeti i fuqishëm që ra në orët e para të mëngjesit të sotëm duke u shkatërruar shtëpitë. Kreu i qeverisë thotë se do të firmosë një marrëveshje me strukturat hoteliere të Durrësit, Kavajës dhe edhe Vlorës po të jetë nevoja për të gjitha familjet e mbetura pa çati që të strehohen.
"Dimri nuk kalohet dot as nën qiell të hapur e as në tenda, prandaj qeveria do të nënshkruajë një marrëveshje me strukturat hoteliere të Durrësit, Kavajës dhe edhe Vlorës po të jetë nevoja, që të gjitha familjet e mbetura pa çati, të strehohen në kushte optimale, të shërbehen në kushte optimale, t’i kalojnë edhe festat e fundvitit në kushte optimale bashkë me fëmijët e tyre, ndërsa këta të fundit jo vetëm të mos jenë të detyruar të braktisin shkollën asnjë ditë, po edhe të mësojnë në kushte optimale" shkruan ai.
Kryeministri Rama, ka shkuar në qytetin e Durrësit për të parë nga afër operacionin e shpëtimit të personave të tjerë që mund të jenë gjallë, nën gërmadhat e banesave të shembura. Grupi i operacionit të shpëtimit ku është momentalisht edhe kryeministri Rama, po punojnë për nxjerrjen e Klajdi Qatos. 25-vjeçari është lokalizuar poshtë gërmadhave në Durrës te Vila Palma dhe është djali i pronarit të kësaj ndërtese. Ai po nxirret nga reparti i Janinës. Forcat e vendit fqinj që po japin ndihmë kanë krijuar një tunel për të nxjerrë të riun. I riu ka shpëtuar pasi fatmirësisht ndodhet mes dy dyshekëve të hotelit.
Qeveria shqiptare do të mblidhet nesër në orën 07:00 të mëngjesit në një mbledhje, ku pritet që të merren disa masa për të ndihmuar familjet në nevojë pas tragjedisë së tërmetit. Gjithashtu nesër mund të shpallet edhe gjendja e jashtëzakonshme, vendim që kryeministri Rama mbrëmjen e sotme nuk e mohoi, pasi tha se do ta mendojë. Nesër do të jetë ditë zie kombëtare.
Kryeministri Edi Rama ka vizituar disa nga të lënduarit nga tërmeti që janë të shtruar në spitalin e Traumës. Gjatë vizitës kreu i qeverisë u njoh edhe me gjendjen e një të moshuare. "Të hap derën rrëshkita, jam prej Mokre mor kryeministër. Isha në Tiranë në Selitë te vëllai për vizitë. Vetëm të mos mbetem sakate" tha ajo. Ndërsa Rama iu përgjigj me një batutë për të shtensionuar situatën. "Të kanë marrë mësysh por syri i keq do të plasë dhe ti do të ngrihesh në këmbë".
Për Edi Ramën kjo tragjedi është edhe një moment i mirë për t'u bërë më njerëzor, prandaj ai kishte një apel. "Është një rast i mirë për të kuptuar që kemi bërë shumë gam gam gam dhe kemi harruar që jeta është pak më ndryshe se gam gami i përditshëm.
Unë u siguroj se sikur bëmë me të gjitha familjet në Korcë do të bëjmë edhe tani, janë shumë. Ne do të dalim më të fortë nga kjo histori, por fatkeqësisht nuk do të dalim të gjithë, pasi disa nuk janë më. Është një moment i rëndë, krizë reale, jo artificiale, por edhe moment për t'u bërë pak më të mirë dhe njerëzor nga ky leksion jete" deklaroi Rama.
I pyetur nëse do të shpallë gjendjen e jashtëzakonshme, kreu i qeverisë tha se miratimi i një akti nuk sjell më shumë sesa ka sjellë deri tani, por për këtë gjë do të mendojë nesër. "Është e çuditshme që e dëgjoj këtë pyetje nga mëngjesi deri në darkë, nuk ka kuptim sot, cfarë do të thotë? Akti formal i gjendjes së jashtëzakonshme nuk është se sjell më shumë sesa ka sjellë.
Natyrisht nesër është dita për të menduar të gjitha edhe këtë që po thoni ju, nejse, ju jeni të pafajshëm, të fajshëm janë ata që vijojnë të cysin edhe sot. Ne do i vlerësojmë të gjithë, por një gjë është e sigurt, këta njerëz do të trajtohen në mënyrë dinjitoze nga strehimi.
Nuk kemi pasur kohë të mendojmë për aspektet formale, kemi dhënë dh epo japim gjithcka. Ditën dhe natën nuk jemi Franca, Gjermania, as Greqia dhe Italia që kanë eksperienca të gjata në këto sfida, por më lejoni të jem mirënjohës" tha Rama.
Nga spitali i Traumës ku ishte për të parë nga afër gjendjen e të lënduarve, kryeministri falenderoi të gjithë partnerët për ndihmën, por nuk harroi që të 'thumbonte' Presidentin Ilir Meta që vendosi në shënjestër disa prej ambasadorëve në javët e fundit, por që sot, sipas Edi Ramës treguan gatishmëri të plotë për të ndihmuar Shqipërinë.
"Janë humbur jetë njerëzish. Kemi lehtësimin shpirtëror nga jo pak jetë të shpëtuara. Kanë qenë të gjithë heronjtë e kësaj dite, bluzat e bardha që në ditët me diell i kemi përgojuar pa hesap, sot janë në krye të detyrës për të shpëtuar jetë. Për fat të keq bilanci i humbjeve nuk ka përfunduar, por lus Zotin që të mos ketë përfunduar as bilanci i jetëve të shpëtuara nga rrënjoat, që ende shpresoj që të marrin frymë, njerëz që do i nxjerrim.
Një ditë sa e rëndë aq e mbushur edhe me emocion si rezultat i solidaritetit të jashtëzakonshëm të shqiptarëve, por edhe miqve të këtij vendi që janë ngritur në këmbë me një frymë, nga Italia, Greqia, Franca, Turqia, Gjermania, Kroacia, miqtë në rajon. Ambasadat, që në ditët e fundit i kemi në një shënjestër që na turpëruar të gjithëve, sot që në mëngjes herët në emër të SHBA dhe BE-së na kanë shprehur gatishmërinë e tyre. Më vjen mirë që mund ta them tani, qeveria ka bërë maksimumin, menjëherë në terren të gjithë ministrat. Është surreale që të flasësh më presidentin e Francës përballë një gërmadhe në Durrës, apo të Greqisë kur je përballë një tjetre, apo Italisë.
E them për të treguar gatishmërinë. Po punojmë për atë që vjen nesër, do të jetë ditë zie kombëtare. Do të fillojmë për të realizuar të gjithë procesin e kalimit të njerëzve pa çati dhe që refuzojnë të futen në palestër. Sot kam punuar në këtë drejtim me kolegët për të ndërtuar një marrëveshje me operatorët turistikë për hotelet në bregdet. Duhet të rindërtojmë gjithcka të kthejmë njerëzit në shtëpi të reja të forta dhe koha nuk pret" tha Rama.
Kryeministri Edi Rama falenderon të gjitha strukturat e shtetit që po shërbejnë për të prekurit nga tërmeti. Ai gjithashtu falenderon edhe partnerët. "Mirënjohje për heronjtë e kësaj dite të paharrueshme dhimbjeje kombëtare, njerëzit e zakonshëm që shërbejnë nën uniformën e Policisë së Shtetit, të Forcave të Armatosura, të Urgjencës Kombëtare Shëndetësore, të Zjarrfikëseve; Bluzat e Bardha, që aq rëndom i përgojojmë si s’ka më keq në ditët me diell dhe që prej orësh të gjata po shpëtojnë jetë e po kurojnë plagë të rënda; Trupat Speciale të Kosovës, të cilat u bënë sot shembëlltyra heroike e bashkimit në dhimbje e në sakrificë të kombit tonë; forcat e njerëzore të solidaritet, ardhur me një frymë nga vendet mike, që vazhdojnë të zbarkojnë edhe tani në aeroportin e Rinasit, për të bashkuar fuqinë e eksperiencës e të solidaritetit të tyre, në një betejë këmbëngulëse e cfilitëse, në kërkim të jetës që ende merr frymë nën gërmadhat e natës më të keqe që kemi kaluar si popull prej kushedi se sa vitesh..." shkruan Rama.
Lajme të tjera
-
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49
