POP 5

Lajmet më të lexuara të 5 minutave të fundit

Rama tha se SPAK hetoi Dvoranin se e kërkoi Meta, Presidenca: Thirrje për drejtësinë që të mos shkelin vijën e partisë

Kritikat që kryeministri i bëri sot SPAK se kanë nisur hetim ndaj Ardian Dvoranit se kështu donte Ilir Meta, për Presidencën, ky është një presion i hapur që po u bëhet prokurorëve. Sipas tij, është e qartë, se mbrojtja që i jepet Dvoranit në publik nga PS-ja, është thirrja publike për organet e drejtësisë që të mos shkelin vijën e partisë.

Rama tha se SPAK hetoi Dvoranin se e kërkoi Meta, Presidenca: Thirrje për drejtësinë që të mos shkelin vijën e partisë

Presidenca

TIRANË- Kritikat që kryeministri i bëri sot SPAK se kanë nisur hetim ndaj Ardian Dvoranit se kështu donte Ilir Meta, për Presidencën, ky është një presion i hapur që po u bëhet prokurorëve. Sipas tij, është e qartë, se mbrojtja që i jepet Dvoranit në publik nga PS-ja, është thirrja publike për organet e drejtësisë që të mos shkelin vijën e partisë.

Reagimi vijon, duke thënë se reforma në drejtësi nuk ka funksionuar, pasi në të kundërtën, sot Dvorani do të duhej të ishte i pari përpara drejtësisë për të marrë dënimin e merituar.

"Të gjithë shqiptarët mezi po presin të dinë çfarë e mban peng "Dvoranin" e Qeverisë tek Dvorani i "Drejtësisë"?

Të gjithë shqiptarët e dinë se:

1. Dvorani pengoi me çdo mjet, qëllimisht dhe për llogari vetëm të Ramës, ngritjen e Gjykatës Kushtetuese, duke falsifikuar, manipuluar e shkelur Kushtetutën dhe ligjet e drejtësisë, vetëm e vetëm për të siguruar pandëshkueshmërinë e Ramës.
 2.Dvorani u provua zyrtarisht se fshehu pasurinë.
 3. Por Vettingu i partisë në mënyrë skandaloze dhe të paligjshme mbylli sytë për këtë fshehje të pasurisë dhe ky është fakt që nuk mbulohet dot kurrë.
4. Shkeljet e Kushtetutës dhe ligjit për Dvoranin e partisë-shtet i vërtetoi botërisht edhe Komisioni i Venecias.
 5. Nëse do të ekzistonte vërtet Reforma në Drejtësi, Dvorani do të duhej të ishte i pari përpara drejtësisë për të marrë dënimin e merituar.

Të gjithë shqiptarët duan të dinë çfarë e detyron Ramën, Kampionin e Korrupsionit që e ktheu Shqipërinë një narkoshtet dhe të dytin në botë për korrupsionin, që të kthehet në Avokatin e Dvoranit? Është e qartë, se mbrojtja që i jepet Dvoranit në publik nga partia, është thirrja publike për organet e drejtësisë që të mos shkelin vijën e partisë në zbatimin e drejtësisë me regji, se përndryshe do kenë pasoja. Rama-Dvorani dhe Dvorani-Rama binomi i pandarë i antishtetit, dhunimit të Kushtetutës dhe ligjit, falsifikimit të dokumentave zyrtarë dhe kapjes së shtetit për llogari të partisë. Koha e “opozitarizmit” të tredhur nga korrupsioni qeveritar po skadon me shpejtësi. Çkapja e shtetit nis nga çkapja e opozitarizmit. Asgjë nuk do ta ndalë zbardhjen e skandaleve të narkoqeverisë sado të gulçojë gruaja e Bilalit", shkruan Presidenca.

Gjatë Asamblesë së PS, Rama kritikat ndaj SPAK i përqendroi edhe për Ilir Metën lidhur me hetimin e  ish-kreut të Këshillit të Lartë të Drejtësisë, Ardian Dvorani, që sipas Ramës e gjitha kjo është bërë sepse kështu ka dashur presidenti.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

24 Nëntor, 08:37