POP 5

Lajmet më të lexuara të 5 minutave të fundit

Kronikë

Rama thirrje qytetarëve: Ngrijeni zërin, kemi ndëshkuar 150 punonjës të administratës, zero ryshfet

Kryeministri Edi Rama ka deklaruar se 150 punonjës të administratës janë ndëshkuar deri tani, pas denoncimit të qytetarëve në ‘platformën bashkëqeverisëse’. Ai tha se do vijojë pastrimi i administratës, derisa të ketë zero vonesa e zero ryshfet.

Kryeministri Edi Rama ka deklaruar se 150 punonjës të administratës janë ndëshkuar deri tani, pas denoncimit të qytetarëve në ‘platformën bashkëqeverisëse’. Kreu i qeverisë theksoi se do të vijojë pastrimi i administratës, derisa të ketë zero vonesa dhe zero ryshfet.

Ai ju bëri thirrje të gjithë qytetarëve të ngrenë zërin e tyre për të adresuar problemet, duke shtuar se qëllimi i ‘platformës bashkëqeverisëse’ nuk është vetëm zgjidhja e problemeve, por edhe identifikimi i atyre punonjësve që janë mbartës të zakoneve të këqija dhe që shkelin të drejtat e qytetarëve.

Sa më shumë qytetarë të angazhohen për të ngritur zërin e tyre, për të adresuar ankesat e tyre direkt te anëtari i qeverisë që mbulon sektorin nga ku vjen shqetësimi, aq më shpejt do kemi një administratë që do shërbejë me zero ryshfet. Mund të ktheheni në njerëz që keni gjithëfuqinë për të zgjidhur problem, duke pasur mik drejtpërdrejtë qeverinë. Qëllimi i platformës është i dyfishtë, jo vetëm të zgjidhim problemet, por edhe të identifikojmë ata që janë mbartës të zakoneve të këqija dhe që shkelin të drejtat e qytetarëve.

Sot numërojmë 10 mijë raste të regjistruar në platformë, por janë rreth 150 raste punonjësish të administratës që kanë marrë ndëshkimet e merituara, që nga ndjekjet penale deri te paralajmërimet nga puna. Është një numër ende shumë i vogël, sepse duhet të luftojmë çdo ditë së bashku me mbrojtjen që u bëhet shpesh punonjësve të administratës që janë shkaktarët e shqetësimeve të qytetarëve. Do jetë qytetari ai që do të imponohet me forcën e ligjit dhe administrata do funksionojë në bazë të ligjit. Pra, do shkojmë në zero vonesa dhe zero ryshfet.

Kryeministri Edi Rama

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • e verteta: 06/06/2018 14:13

    Kjo eshte tallje, po per ata qe japin ryshfet per te marre dicka te paligjshme, si veprohet. Ka ngritur Enver Shala 20 kate mbi rere, si i ka ngritur, duke paguar nen dore perfaqsuesit e te pakten 10 institucioneve pergjegjese per te mos e lejuar ate fare shemtie mbi rere, prandaj kjo qe thoni eshte e deshtuar qe ne nisje

    Përgjigju
  • test: 06/06/2018 12:38

    zbardhni kujt ia keni dhene lejen per kioskat qe kane mbire ngado neper tirane dhe mbi cfare baze konkurimi e kane fituara ata qe ua keni dhene

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça