POP 5

Lajmet më të lexuara të 5 minutave të fundit

Politikë

Rama ultimatum kryebashkiakëve: Deri në fund të gushtit bëni organigramën, drejtorët që nuk kapin ritmin e PS do 'spastrohen'

Kryeministri Rama ka mbledhur rajonin e veriut në një takim në selinë rozë. Rama u ka dhënë porosi drejtuesve të qarqeve dhe jo vetëm që të përfundojnë organigramat, planet e bashkive dhe buxhetimi deri në fund të gushtit, ndërsa deri në datë 15 të përfundojë konstituimi i këshillave bashkiakë. Sa i përket drejtorëve në administratë që nuk kapin ritmin e PS do të spatrohen.

TIRANË - Muaji shtator dhe tetor do të jetë një test i rëndësishëm për socialistët në administratën e bashkive dhe në parti. Kryeministri Edi Rama, njëherazi kryetar i Partisë Socialiste u ka lënë afat deri në fund të gushtit kryetarëve socialistë të bashkive që fituan në zgjedhjet vendore të 30  qershorit, të bëjnë organigramat e bashkive, planin e investimeve dhe buxhetimit. Kreu i qeverisë në një takim këtë të premte me drejtuesit e rretheve të rajonit të veriut, tha se administrata ka probleme, dhe se në muajin shtator dhe tetor do të bëhet vlerësimi i të gjithëve.

"Në muajin shtator dhe tetor do të bëhet vlerësimi i të gjithë drejtorëve dhe pastrimi i atyre që nuk kapin ritmin në Partinë Socialiste. Të bëhet vlerësimi i çdo punonjësi në bashki. Të bëhet analizë e strukturave dhe shërbimeve të institucioneve lokale. Të shikohet kontributi i drejtorëve në Partinë Socialiste", mësohet tu ketë lënë porosi kryetarëve të Bashkive kryeministri Rama.

Siç raporton gazetarja e Report Tv, Klesiana Omeri, kryesocialisti mësohet të ketë kërkuar që vendimet për emërimet e drejtorëve në bashki të merret në Këshillin rajonal me argumente të forta.

Sa i përket konstituimit të këshillave bashkiakë dhe kryebashkiakëve kreu i qeverisë ka kërkuar që ky proces të përfundojë deri në 15 gusht. I pranishëm në mbledhje ka qenë dhe ministri i brendshëm Sandër Lleshaj në pozicionin e drejtuesit të qarkut të Lezhës.

Në mbledhjen e fundit të Asamblesë së Partisë Socialiste, kryeministri Rama njoftoi ndryshimet në strukturat e Partisë Socialiste. Pas marrjes së drejtimit të 61 bashkive të vendit pas zgjedhjeve të 30 qershorit, kryeministri Edi Rama mori në dorë veriun e vendit, përkatësisht Lezhë-Shkodër-Dibër-Kukës.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vlonjati Djali Lushnjarit: 27/07/2019 12:29

    Rama u drejtohet hajdutëve..

    Përgjigju
  • Tosi: 26/07/2019 21:39

    Po drejtori i oshe Durrës është një hajdut i dënuar me burg dhe ka 12 vjet drejtor. Do e mbani përsëri që të mbushi mirë magazinën e firmës me materiale të oshe

    Përgjigju
  • fermeri: 26/07/2019 10:57

    z. kryeminister shiko drejtorin e azhbr pasi ka 2 vjet aty dhe jo vetem ska kapur ritmin pooor ka 6 muaj qe jane mbyllur aplikimet e ipard dhe akoma nuk eshte lidhur as edhe nje kontrate e vetme. kjo gje tregon jo vetem mos kapje ritmi por edhe pa aftesi drejtuese e menaxhuese si te titullarit ashtu dhe te stafit te azhbr.

    Përgjigju
  • Sondazhi i ditës:

    Ervin Salianji dënohet me 1 vit burg për kallëzim të rremë, si e vlerësoni?

Lajme të tjera



×

Lajmi i fundit

Vranësira e reshje shiu, parashikimi i motit për sot

Vranësira e reshje shiu, parashikimi i motit për sot

29 Shtator, 07:18