POP 5

Lajmet më të lexuara të 5 minutave të fundit

Politikë

Rama sot pasdite në Turqi, takime informale/ Më 15 dhe 16 shtator viziton Athinën në cilësinë e kryetarit të OSBE-së

Kryeministri Rama këtë të premte është nisur për në Turqi për një vizitë jo zyrtare, ndërsa në datat 15 dhe 16 report tv mëson se kreu i qeverisë do të jetë në Athinë si kryetar i OSBE, për një konferencë e cila në fokus do të ketë zgjerimin e BE.

TIRANË- Ditët në vijim pritet të jenë intensive për kryeministrin Edi Rama me takime jashtë vendit. Report tv mëson se kreu i qeverisë pasditen e kësaj të premteje është nisur për në Turqi për një vizitë jozytare. Burimet thanë se kryeministri mund të zhvillojë një takim edhe me presidentin e Turqisë, Rexhep Taip Erdoan.

4 ditë më pas, në datat 15-16 shtator, kryeministri Rama do të jetë në Athinë në cilësinë e kryetarit të OSBE për një konferencë e cila në fokus do të ketë sfidat e rajonit dhe integrimit europian.

Ndër të tjera në këtë konferencë që do zhvillohet në shtetin grek do të ketë diskutime dhe për zgjerimin e BE-së por dhe çështje të tjera të rajonit, që lidhen kryesisht me rritjen e forcimin e tregtisë dhe investimeve.

Kreu i qeverisë pritet të takojë  homologun e tij grek Kyriakos Mitsotakis, ministrin e jashtëm Nikos Dendias dhe e qeveritarë të tjerë.

Këto vizita të kryeministrit Edi Rama në Turqi dhe Greqi zhvillohen në një moment ku tensioni mes dy palëve është i lartë, për shkak të konfliktit të krijur në Mesdheun Lindor, për të vënë nën kontroll burimet e hidrokarbureve në zonë.

Ndërkohë, bisedimet për çështjen e detit mes Shqipërisë dhe greqisë pritet të diskutohen në një moment të dytë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lui: 11/09/2020 23:04

    He me te lumte.. Konsultime te frytshme para takimit me grekun.

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55