Serie A e futbollit në Itali nisi të premte me raundin e katërt. Në stadiumin 'Via del mare' vendasit e Lecces u përmbysën 1-2 nga Cagliari. Te miqtë heroin e bëri sulmuesi Andrea Belotti me dopietë. Për Leccen 73 minuta në fushë luajti Ylber Ramadani, ndërsa në stol qëndroi Medon Berisha.

Dueli u zhbllokua shpejt për vendasit, me Tiago Gabriel që shënoi pas vetëm pesë minutave lojë, kjo pas asistit të Sottil. Në minutën e 33-të Belotti vendosi ekuilibrat, për ta mbyllur 1-1 pjesën e parë.

Duhej një penallti në minutën e 71-të që ish-sulmuesi i Torinos dhe Romës t'i jepte tri pikë me vlerë Cagliarit, për përmbysjen e madhe në udhëtim. Me shtatë pikë, për momentin sardët e shohin veten në pozitën e pestë në tabelë, duke lënë Leccen me vetëm një pikë në vendin e fundit.

Ndeshjen e ardhshme Cagliari pret Interin, ndërsa Lecce luan sërish në shtëpi kundër Bolognas.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera