POP 5

Lajmet më të lexuara të 5 minutave të fundit

Kronikë

Ramazan në kohë koronavirusi në Prizren, besimtarët nuk shkojnë dot në Xhami! Tregtarët: Këtë vit shumë pak lëvizje

Jemi në muajin e shenjtë të Ramazanit, por besimtarët e shumtë të Prizrenit në Kosovë nuk mund të shkojnë nëpër xhami për shkak të epidemisë. Mungon atmosfera e viteve të kaluara por gjithsesi tradita ruhet.

Thirrja e ezanit nëpër xhami dhe krisma e improvizuar e topit në Kala, shënon fillimin e iftarit në qytetin historik të Prizrenit gjatë muajit të Ramazanit.

Këtë vit është më ndryshe për shkak të gjendjes së krijuar nga pandemia e Covid-19. Imami i xhamisë " Emin Pasha", Daut Lezi, thirri ezanin e akshamit i vetëm dhe pa xhemat.  Sipas tij, kjo gjendje i krijon atij një atsmosferë të ftohtë ndryshe nga vitet e tjera.

"Është me të vërtetë ndjenjë e jashtëzakonshme, xhamia pa xhemat. Është një ndjenjë e ftohtë, por edhe me këtë u sprovuam. Por nga ana tjetër terevitë po i falim në shtëpi me familjet tona, sikur hoxhë, besimtar dhe mysliman tjetër,"-thotë Daut Lezi, Imam.

Pavarësisht atmosferes se zbehte tryezat e qytetarëve  gjatë muajit të Ramazanit pasurohen me ushqime ku  dallohet pitajkëni cili është shndërruar në simbol të Ramazanit. Pavaresisht kufizimit të lëvizjes qytetarët e Prizrenit  dalin për të blerë pitajka e toplia për syfyr por dhe për shëtitje.

"Nuk është si vitet e kalume, njerëzit nëpër shtëpia. Ramazanin po e kaloj duke qëndruar në shtëpi brenda,"-shprehet një besimtar.

"Vitet e tjera ka patur atmosferë në qytet, por tani kanë filluar duke u bë nëpër lokale, secili nëpër rrugët e veta. Nuk po i rrespektojnë masat sa po duhet se kohë e gjatë që po qëndrojnë në shtëpi. Gjithsesi mirë po e kalojnë edhe aty,"-deklaron një tjetër besimtar.

Furrtarrët ku pergatiten pitajkat me porosi thonë se janë duke punuar me orar të shkurtuar dhe se qarkullimi i njerëzve është shumë i vogël në krahasim me Ramazanët e viteve të kaluara.

"Është orari i shkurtër, njerëz dhe qarkullim ka shumë pak. Është e kufizuar. Kërkesa ka por mundësia për ti marrë nuk i ekziston. Ne më tepër na shqetëson gjendja aktuale, ne i japim rendësi kualitetit. Besoj shpejt do ta kalojmë këtë dhe do kthehemi si më herët,"-shprehet një furrtare.

"Dallimi është shumë i madh nuk është ajo lloj atmosfere që të thuash është Ramazan. Normal që shikohet pak, por nuk dallohet shumë. Interesim ka, por jo shumë i madh. Shumë pak,"-shprehet një tjetër furrtar.

 Në qytetin historik të Kosovës, në Prizren muaji i shenjtë i Ramazanit prej dekadash vazhdon të ruajë traditën e tij ndërsa atmosfera që sjell ky muaj është më ndryshe se në qytetet e tjera të Kosovës.

Prizreni

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 04/05/2020 09:06

    Nuk thoni shyqyr? Shyqyr thuaj dhe amin! Kishat dhe xhamitë ja sollen shqiptarit me dhunë pushtuesit e tyre! Mjaft me kisha e xhamija!

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Norvegji, autobusi me 60 pasagjerë del nga rruga dhe përfundon në liqen! 3 të vdekur

Norvegji, autobusi me 60 pasagjerë del nga rruga dhe përfundon në liqen! 3 të vdekur

26 Dhjetor, 16:28