POP 5

Lajmet më të lexuara të 5 minutave të fundit

Kronikë

Raporti: 55 super të pasur
në Shqipëri, zotërojnë 7mld $

55 individë në Shqipëri zotërojnë një pasuri prej 7 miliard dollarë. Ky fakt bëhet i ditur në një raport të "World Ultra Wealth 2012-2013". Në Evropë, Shqipëria renditet në vendin e 37 për nga numri i individëve super të pasur, nga 45 shtete që janë pjesë e kësaj renditjeje. Shqipëria lë pas Maqedoninë, Bullgarinë dhe Malin e Zi .
TIRANE - 55 individë në Shqipëri zotërojnë një pasuri prej 7 miliard dollarë. Ky fakt bëhet i ditur në një raport të "World Ultra Wealth Report 2012-2013". Pavarësisht krizës, të ardhurat e super të pasurve shqiptarë u rritën me 4.1% vitin e fundit. Në Evropë, Shqipëria renditet në vendin e 37 për nga numri i individëve super të pasur, nga 45 shtete që janë pjesë e kësaj renditjeje.

Sipas të dhënave vendi ynë parakalon tre vende të tjera të rajonit për nga numri i super të pasurve. Shqipëria ka më shumë individë të pasur sesa Maqedonia (me 35 individë), Bullgaria (me 45) dhe Mali i Zi (me 21 individë). Rekordin në rajon, për nga të pasurit e mban Kroacia, ku rezultojnë 260 super të pasur, me një pasuri totale prej 30 miliardë dollarësh, e ndjekur nga Rumania, që ka 125 super të pasur.

raporti shqiperia super pasur
(Në foto, paraqitja grafike e raportit, ku Shqipëria renditet në vendin e 37 mes shteteve të Evropës)

Ky raport është e vetmja analizë, që kryhet nga terreni, duke përdorur sistemin e gjerë të të dhënave të individëve super të pasur. Ai përqendrohet vetëm tek personat me një pasuri neto prej 30 milionë eurosh e lart (duke llogaritur aksionet në kompani publike dhe private, pasuritë për banim dhe investim, koleksionet e artit, cash-i dhe asete të tjera). Në total, sipas raportit, janë 187,380 njerëz tepër të pasur në botë, një rritje prej 0.6% në krahasim me vitin e mëparshëm. Pasuria e tyre e kombinuar ra me 1.8% në 25.8 trilion dollarë.

(Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

'Plumbi i Artë 2'/ Gjykata e Lartë rrëzon rekursin e ish-gjyqtares Pajtime Fetahu për masën e parë të arrestit shtëpiak

'Plumbi i Artë 2'/ Gjykata e Lartë rrëzon rekursin e ish-gjyqtares Pajtime Fetahu për masën e parë të arrestit shtëpiak

15 Janar, 14:48 nga Keti Banushi