POP 5

Lajmet më të lexuara të 5 minutave të fundit

Ekonomi

Raporti i BB: Shqipëria probleme
me pronën PDF/ Raporti i plotë

Një vrojtim i kryer nga Banka Botërore në vitin 2013 ka dalë në përfundime tronditëse mbi nivelin e korrupsionit në Shqipëri. Vrojtimi ka pyetur 360 biznese shqiptare në periudhën nga marsi deri në korrik të vitit 2013. Sipas tij  89.5 për qind e ndërmarrjeve të mesme dhe 100 për qind e ndërmarrjeve të mëdha paguajnë rryshfete për të fituar tenderat publik. 
TIRANE- Shqipëria jo vetëm është një prej vendeve me reultatet më të ulëta në botë kur vjen fjala te ccështja e së drejtës së pronës, por ky faktor përbën edhe një pengesë madhore për zhvillimin e konomik të vendit. Në raportin e partneritetit me Shqipërinë, të publikuar dje, Banka botërore thekson se një arsye për humbjen e mundësisë për të përfituar nga pasuritë natyrore lidhet me pasiguritë e të drejtave të pronësisë, të cilat prekin seriozisht përdorimin produktiv të tokës.

“Shqipëria ka një ndër rezultatet më të ulëta (137 nga 148 shtete) në botë lidhur me të drejtat e përgjithshme të pronësisë, veçanërisht të drejtat fizike mbi pronën. Mungesa e tregjeve funksionalë të tokës po ushtron ndikim të gjerë negativ mbi zhvillimin rural (për shembull, fragmentarizimi i madh i fermave) dhe zhvillimi urban (rritja e pakontrolluar e vendbanimeve urbane)” thekson Bamka Botërore në raport.

Informaliteti
Banka Botërore thekson gjithashtu se mungesa e planifikimit urban, e reflektuar në rritjen e shpejtë informale të zonave urbane ka cenuar potencialin e rritjes së qyteteve shqiptare. Lidhur me zonat rurale, procesi i privatizimit të tokës ka çuar në një numër të madh fermash të vogla dhe të shpërndara, duke frenuar zhvillimin e sektorit bujqësor. Që prej vitit 2012, kishte 350,916 biznese bujqësore në Shqipëri, me madhësi mesatare prej 1.02 ha.

Pjesa më e madhe e fermerëve mbeten të ngërthyer me të ardhura të ulëta, struktura mbijetese, të paaftë të përdorin tokën për  gjenerimin e përfitimeve ekonomike. “Në përgjithësi, menaxhimi i paqëndrueshëm i tokës dhe zbatimi i keq i të drejtave të pronësisë përbëjnë pengesa të mëdha për kompanitë, fermat dhe familjet për t’u futur në tregun e punës. Kjo ka pasoja të drejtpërdrejta jo vetëm tek pronësia mbi tokën, por dhe mbi gjenerimin e të ardhurave dhe shpeshtësinë e varfërisë. Disa gupe, të tilla si gratë dhe ata që janë më pak në gjendje, janë në disavantazh shtesë pasi janë të përjashtuar nga pronësia” thekson raporti.

Korrupsioni
Raporti iBB përmban gjithashtu edhe të dhënat e një vrojtimi të kryer në Shqipëri në vitin 2013, për nivelin e korrupsionit në vend. Përgjatë tij janë anketuar 360 biznese shqiptare në periudhën nga marsi deri në korrik të vitit 2013. Sipas tij  89.5 për qind e ndërmarrjeve të mesme dhe 100 për qind e ndërmarrjeve të mëdha paguajnë rryshfete për të fituar tenderat publik.

Banka thekson se ky korrupsion gjerësisht i përhapur inkurajon informalitet masiv në ekonomi. Në dokument thuhet se 36 për qind e ekonomisë është informale. Kjo, sipas vrojtimit bën që gati gjysma e punësimit në vend të jetë në të zezë ose gri dhe në degë të caktuara si ndërtimi, mbi informaliteti i punës arrin deri në 75 për qind.


Shkrimi u botua në Shqiptarja.com (print) në 27 Maj 2015

Redaksia Online
(d.a/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi