POP 5

Lajmet më të lexuara të 5 minutave të fundit

Kronikë

Raporti i DASH për të Drejtat e Njeriut në Shqipëri, SHBA: Përparim nga prokurorët, shqetësues korrupsioni! Kim: Do të punojmë me qeverinë dhe opozitën për ta luftuar

Ambasada Amerikane në Tiranë thotë se prokurorët në Shqipëri kanë bërë përparim në ndjekjen e rasteve të nivelit të ulët të korrupsionit, por sërish mbetet shqetësim ky fenomen

Raporti i DASH për të Drejtat e Njeriut në Shqipëri, SHBA: Përparim nga prokurorët, shqetësues korrupsioni! Kim: Do të punojmë me qeverinë dhe opozitën për ta luftuar

Foto ilustruese

Departamenti Amerikan i Shtetit një ditë më parë publikoi raportin për të drejtat e njeriut në botë për vitin 2020 duke evidentuar edhe situatën në Shqipëri, ku në vendin tonë evidentonte si problem mosndëshkimin e zyrtarëve si një problem serioz. 

Në një postim në rrjetet sociale, ambasada amerikane në Tiranë thotë se prokurorët në Shqipëri kanë bërë përparim në ndjekjen e rasteve të nivelit të ulët të korrupsionit, por sërish mbetet shqetësim ky fenomen.

"Raporti i Departamentit të Shtetit të SHBA për të Drejtat e Njeriut për Shqipërinë për vitin 2020, vëren përparim të rëndësishëm nga prokurorët në ndjekjen e rasteve të nivelit të ulët të korrupsionit por shqetësime të vazhdueshme mbi korrupsionin e përhapur; pavarësinë e gjyqësorit; kufizime në lirinë e të shprehurit dhe të medias; dhe pandëshkueshmërinë", shkruan Ambasada.

Ndërkohë pak minuta më vonë edhe ambasadorja amerikane Yuri Kim ka reaguar, duke theksuar se do të punojë më shumë se kurrë me Shqipërinë, qeverinë, opozitën, shoqërinë civile dhe qytetarët e rregullt – në ndjekje të këtij prioriteti.

“Presidenti Biden & Sekretari Blinken kanë theksuar përparësinë e ripërtërirë në mbrojtjen e të drejtave të njeriut dhe luftimin e korrupsionit si një çështje e sigurisë kombëtare dhe globale. SHBA do të punojë më shumë se kurrë me Shqipërinë, qeverinë, opozitën, shoqërinë civile dhe qytetarët e rregullt – në ndjekje të këtij prioriteti”- shkruan ambasadorja.

Postimi i ambasadores në Twitter

Kujtojmë se dje departamenti Amerikan i Shteti (DASH) ka publikuar raportin për të drejtat e njeriut në botë, ku për Shqipërinë veçon mosndëshkimin e zyrtarëve si një problem serioz. Ndërkohë, ndalur te mosndëshkimet, theksi vendoset te mungesa e ndëshkimit ndaj zyrtarëve për të cilat thuhet se ishin "sporadike", gjatë vitit 2020.

B.K./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43