POP 5

Lajmet më të lexuara të 5 minutave të fundit

Politikë

Raporti i KiE: Gjatë zgjedhjeve
presion ndaj administratës

Asambleja e Përgjithshme të KiE: Akuzat të besueshme për blerje të votës dhe presion ndaj punonjësve të administrates.
PD, Bylykbashi në KiE: PS pa prova, ne prova për vjedhje votash
Raporti i KiE: Gjatë zgjedhjeve<br />presion ndaj administratës
STRASBURG - Mosbesimi mes forcave politike “njollosi” mjedisin elektoral gjatë zgjedhjeve të 23 qershorit. Është ky konkluzioni i raportit të miratuar sot në Asamblenë e Përgjithshme të Këshillit të Europës, sipas së cilit zgjedhjet parlamentare të këtij viti ishin konkuruese me një pjesëmarrje aktive përmes fushatës elektorale dhe me respekt të plotë për liritë themelore të njeriut.

Por siç thuhet edhe në njoftimin e publikuar në faqen zyrtare të këtij institucioni, raporti i përgatitur nga europarlamentari grek, Petros Tatsopoulos dhe i miratuar më pas nga Asambleja, thekson se atmosfera e mosbesimit mes dy forcave politike njollosi mjedisin elektoral dhe se implementimi i legjislacionit elektoral nuk ishte i kënaqshëm duke ndikuar tek besimi i publikut në procesin elektoral.

Në raport thuhet gjithashtu se turbullimet e vazhdueshme mes institucioneve shtetërore dhe interesave partiake, të kombinuara me akuzat e besueshme për blerje të votës dhe presion ndaj punonjësve të sektorit publik, ndikuan negativisht në atmosferën parazgjedhore.

Ndërkaq mbulimi mediatik i procesit elektoral ishte në tërësi pluralist, por pavarësia editoriale nuk është respektuar plotësisht.

Në mënyrë që të rikthehet besimi i qytetarëve tek procesi zgjedhor, Asambleja e përgjithshme e KiE-së i bën thirrje autoriteteve shqiptare të ndërmarrin një seri masash në bashkëpunim me Komisionin e Venecias, në veçanti për të përmirësuar kuadrin ligjor zgjedhor, duke marrë në konsideratë çështjet që janë identifikuar në këto zgjedhje, të bëjnë një dallim të qartë mes aktivitetit të partive politike dhe institucioneve shtetërore në implementimin e legjilsacionit zgjedhor, të garantojnë funksionimin e paanshëm të administratës zgjedhore në të gjitha nivelet dhe të organizojnë trajnime më të mira për anëtarët e komisioneve në qendrat e votimit.
 
Redaksia online
(ac/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Afera 'Partizani’/ Sot seanca paraprake për ish-kryeministrin Berisha, dhëndrin dhe 3 të tjerët! Vendoset nëse dosja kalon për gjykim

Afera 'Partizani’/ Sot seanca paraprake për ish-kryeministrin Berisha, dhëndrin dhe 3 të tjerët! Vendoset nëse dosja kalon për gjykim

25 Nëntor, 07:48