Raporti i Konvergjencës ekonomike në Ballkanin Perëndimor për 2025, Meta nga burgu: Shakaxhiu i integrimit, shkaktari i divergjencës ekonomike me BE

Kreu i Partisë së Lirisë, Ilir Meta ka reaguar nga burgu për një raport të Konvergjencës ekonomike për Ballkanin Perëndimor për vitin 2025, i cili fokusohet në 5 fusha si infrastruktura dhe lidhshmëria, aftësia e burimeve njerëzore, klima e biznesit, transformimi digjital dhe ekonomia e gjelbër.

Sipas Metës, ky raport jep "skanimin" e vërtetë se ku ndodhet procesi i integrimit të Shqipërisë, ndërsa shënjestron kryeministrin Edi Rama që e cilëson si "shakaxhiun e integrimit".  Sipas kreut të PL-së, ndërsa qeveria krenohet me hapjen e kapitujve, në fakt vendi po largohet nga standartet bazë të zhvillimit ekonomik e shoqëror.

"Për fat të keq Shqipëria "shkëlqen" me përkeqësimin tepër serioz të treguesve të saj, krahasuar me 10 vite më parë, veçanërisht përsa i takon klimës së biznesit ku jemi të fundit në rajon.Çuditërisht jemi të fundit dhe lidhur me treguesit e infrastrukturës dhe lidhshmërisë, që është vendimtar për rritjen ekonomike të vendit, si edhe për integrimin infrastrukturor me vendet e rajonit dhe ato të BE. Themi "çuditërisht" pasi dihet që edhe pse investimet publike janë tepër të larta, rezultatet e tyre flasin për përkeqësim të situatës në këtë sektor. Kjo shpjegohet me korrupsionin e pafre dhe kostot e paimagjinueshme me të cilat realizohen investimet publike.", thotë Meta. 

LEXO EDHE:
Seanca maratonë në Kuvend/ Miratohen ndryshimet në Këshillin e Integrimit, bashkëdrejtim PD-PS, opozita shpall bojkotin: Doni të na hiqni rolin

Reagimi i plotë:

"Shakaxhiu i integrimit", si shkaktari i divergjencës ekonomike me Bashkimin Evropian 

Raporti i Konvergjencës ekonomike për Ballkanin Perëndimor për 2025, i financuar dhe konfirmuar nga Presidenca polake e BE dhe OECD, na jep skanimin e vërtetë se ku ndodhet procesi i integrimit të çdo vendi të Ballkanit Perëndimor krahasuar me mesataren e vendeve të BE. Raporti bazohet në analizën e 35 treguesve konkretë në 5 fusha të ndryshme, që janë infrastruktura dhe lidhshmëria, aftësitë e burimeve njerëzore, klima e biznesit, transformimi digjital dhe ekonomia e gjelbër. Ky është raporti i 3-të, i realizuar pas atij të viteve 2014-2016, si dhe 2017-2019.

Për fat të keq Shqipëria "shkëlqen" me përkeqësimin tepër serioz të treguesve të saj, krahasuar me 10 vite më parë, veçanërisht përsa i takon klimës së biznesit ku jemi të fundit në rajon.Çuditërisht jemi të fundit dhe lidhur me treguesit e infrastrukturës dhe lidhshmërisë, që është vendimtar për rritjen ekonomike të vendit, si edhe për integrimin infrastrukturor me vendet e rajonit dhe ato të BE. Themi "çuditërisht" pasi dihet që edhe pse investimet publike janë tepër të larta, rezultatet e tyre flasin për përkeqësim të situatës në këtë sektor. Kjo shpjegohet me korrupsionin e pafre dhe kostot e paimagjinueshme me të cilat realizohen investimet publike.

Shumë serioze është edhe situata për treguesit e aftësive njerëzore që provon situatën e shkatërruar në sektorin e arsimit, në kualifikimin e fuqisë punëtore dhe produktivitetin e saj. Edhe treguesit e transformimi digjital, ku Shqipëria renditet e parafundit në rajon, provojnë se sa demagogjik dhe i pabazë është programi qeverisës i mazhorancës, ku pavarësisht këtyre defekteve dhe performancës tepër të dobët e ka trajtuar digjitalizimin si shtyllë ku bazohet zhvillimi i vendit. Ndërsa flitet për hapje kapitujsh, në fakt largohemi nga standardet bazë të zhvillimit ekonomik e shoqëror dhe shifrat flasin vetë.

Xh.D/Shqiptarja.com

TAG:
• shqiperia
• BE
• edi rama
• Ilir Meta
• integrimi ne be