Raporti KiE: Korrupsioni në
gjyqësor i shtrirë cep më cep

TIRANE- Asambleja Parlamentare e Këshillit të Evropës ka shprehur shqetësimin se gjyqësori në Shqipëri vijon të jetë nën ndikimin dhe presionin e politikës. Ndërkohë, në raportin e publikuar në faqen zyrtare të KiE thuhet se mbështetet reforma në sistemin e drejtësisë përfshirë dhe atë të funksionimit të KLD-së. Por se kërkohet që hapat në këtë reformë të jenë në mbështetje të organizmave ndërkombëtare si dhe të Komisionit të Venecias. Gjithsesi, mbështeten reformat e tjera gjithëpërfshirëse, duke përfshirë edhe ndryshimet e Kushtetutës, por kjo “për të siguruar pavarësinë e gjyqësorit dhe një administrim efikas të drejtësisë”, duke i cilësuar këto si hapa urgjente.