POP 5

Lajmet më të lexuara të 5 minutave të fundit

Ekonomi

Raporti KLSH: Të shkarkohet drejtori hekurudhave

Zbulimet dhe konkluzionet kryesore të këtij kontrolli tregojnë se menaxhimi dhe administrimi i Drejtorisë së Përgjithshme të Hekurudhave është shoqëruar në jo pak raste me mosrespektim e moszbatim të akteve ligjore.
TIRANE - Kontrolli i Lartë i Shtetit gjatë muajit mars 2012 përfundoi materialet e kontrollit të ushtruar në Drejtorinë e Përgjithshme të Hekurudhave (DPH) Sh.a. Durrës për periudhën dyvjeçare 2009-2011. Zbulimet dhe konkluzionet kryesore të këtij kontrolli tregojnë se menaxhimi dhe administrimi i Drejtorisë së Përgjithshme të Hekurudhave është shoqëruar në jo pak raste me mosrespektim e moszbatim të akteve ligjore.

Rezultatet e dobëta të kësaj kompanie, të konstatuara nga KLSH janë pasojë direkte e keqmenaxhimit dhe keqadministrimit nga ana e drejtorisë së shoqërisë. Ndër masat disiplinore, KLSH i propozon Këshillit Mbikqyrës të Drejtorisë së Përgjithshme të Hekurudhave shkarkimin e 7 anëtarëve të Drejtorisë së Përgjithshme të Hekurudhave Sh.a. Durrës, duke përfshirë edhe Drejtorin e Përgjithshëm të saj dhe zv.Drejtorin e Përgjithshëm, pasi në veprimtarinë e drejtorisë së shoqërisë janë konstatuar:
- Keqmenaxhim dhe keq administrim të Hekurudhës Shqiptare.
- Mosrespektim e moszbatim të akteve ligjore:
- Rezultatet e dobëta në treguesit ekonomiko -financiarë dhe teknikë;

KLSH ka lënë si detyrë që drejtoria të shqyrtojë dhe të analizojë shkaqet, dhe të nxjerrë përgjegjësitë përkatëse për vonesat në përpunimin e vagonëve të huaj, pasi detyrimi i DPH-së ndaj atyre homologe, për periudhën 2009-2010 është në vlerën 443,152 euro; të shikojë mundësinë e uljes së mëtejshme të numrit të punonjësve, për të arritur një nivel të pranueshëm të shpenzimeve, i cili pasqyrohet në kostot operative; të merren masa konkrete për evidentimin, klasifikimin dhe ndjekjen në mënyrë të vazhdueshme të debitorëve, duke koordinuar punën me strukturat përkatëse për përmirësimin e dokumentacionit për arkëtimin e debitorëve, gjendja e të cilëve në fund të viteve 2009 e 2010, është respektivisht në vlerat 144 milionë lekë dhe 152 milionë lekë, etj

(gk/im/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat, dënohet me burg ish-kryebashkiakja e Patosit, Rajmonda Balilaj, i konvertohet në shërbim prove

Abuzim me tenderat, dënohet me burg ish-kryebashkiakja e Patosit, Rajmonda Balilaj, i konvertohet në shërbim prove

15 Janar, 19:00