Raporti për investimet në Shqipëri/ Meta: Ka ndikuar kriza politike, palët të ulen në dialog

TIRANË- Presidenti Ilir Meta u ka bërë thirrje palëve politike që të ulen në dialog pasi po sjellin pasoja të rënda për vendit.

Duke sjellë në vëmendje Indeksin e fundit i Fitch Solution, pjesë e grupit të njohur ndërkombëtar të vlerësimit, Fitch, Meta tha se kriza politike është faktori kryesor se përse Shqipëria ështtë futur në vendet e rrezikshme për t'u investuar.

"Dua të shpreh shqetësimin për raportin e agjencisë prestigjoze ndërkombëtare Fitch për vitin 2019, sipas së cilës Shqipëria është përkeqësuar në vlerësimin e shkallës së perceptimit të investitorëve, nga niveli 59.8, në 53.5. Pa u ndalur sot në shqetësimet që kanë të bëjnë me faktorët ekonomikë dhe financiarë, dua të tërheq vëmendjen ndaj aktorëve politikë, që faktori kryesor i këtij përkeqësimi është kriza e rëndë politike në vend. Ndaj duhet urgjentisht vendosja e dialogut politik dhe bashkëpunimit për adresimin e menjëhershëm dhe të besueshëm të kushteve të Bundestagut. Përndryshe, jo vetëm çelja e negociatave me Bashkimin Europian pamundësohet, por vendi ynë do humbasë më shumë besueshmërinë e investitorëve të huaj seriozë", tha Meta.

Postimi i plotë i presidentit Meta

Protestat, rritja e tensioneve politike mes partive, bojkoti i opozitës në zgjedhjet lokale, Bashkimi Europian ndaloi hapin për çeljen e negociatave. Të gjitha këto ngjarje të ndodhura në 2019 do të ndikojnë në rritjen e risqeve në 2020 për Shqipërinë dhe kushtet e jetesës për banorët. Ky ishte përfundimi i dhënë nga Indeksi i fundit i Fitch Solution, pjesë e grupit të njohur ndërkombëtar të vlerësimit, Fitch.

B.K./Shqiptarja.com

TAG:
• Ilir Meta
• Fitch Solution