POP 5

Lajmet më të lexuara të 5 minutave të fundit

Ekonomi

Raporti: Shqiptarët po investojnë në pasuri të patundshme, ka rritje të të kredisë për individët dhe bizneset

Banka e Shqipërisë raporton se ekonomia e vendit është ngadalësuar dhe se rreziqet janë shtuar. Sipas raportit për 6 mujorin e parë ka pasur edhe ngadalësim të konsolidimit fiskal. Ndërkohë për këtë periudhë ka pasur rritje të kreditimit për individët dhe bizneset të cilët kanë investuar në pasuri të pajualtshme.

Banka e Shqipërisë e vlerëson ecurinë ekonomike të vendit në nivelin e 2.3% për 6 mujorin e parë të këtij viti.  Ashtu siç ka raportuar INSTAT, edhe banka qendrore pohon se kontributi kryesor pozitiv u dha nga tregtia në këtë periudhë dhe negativisht ndikoi prodhimi i energjisë elektrike, tërësisht i ndikuar nga kushtet e pafavorshme atmosferike, dha një kontribut negativ në normën e rritjes ekonomike.

Për periudhën Janar – Qershor bankat tregtare kanë rritur kreditimin për bizneset pavarësisht se mbetet ende në nivel më të ulët se kredia për individët. Referuar të dhënave zyrtare kredia për individët  u rrit me 3%, dhe e ndikuar më së shumti nga rritja e kredisë në lekë dhe kredia për pasuri të paluajtshme.

Konkretisht sipas bankës rreth 62% e kredisë së marrë nga individët është për pasuri të paluajtshme, pra për banesa apo dhe biznese, dhe më pas vjen kredia për konsum me 17% të kredisë për individët.  Në total për kredinë për pasuri të paluajtshme ka arritur  në 113 miliardë lekë.

Kredia për individët në qershor të vitit 2019 zinte 32% të tepricës së kredisë, kundrejt 31% një vit më parë dhe 25% në fillim të vitit 2015. Edhe për bizneset në 6 mujorin e parë të vitit ka pasur gjallërim të kreditimit, pasi është dhënë 10 miliardë lekë më shumë se në 2018.

Ndërkohë Banka e Shqipërisë ndan të njëjtin qëndrim me Bankën Botërore që ka pasur konsolidim fiskal me ritme të ulëta, për shkak se rreziqet janë shtuar, ndihmuar edhe nga situata e tensionuar politike.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

FOTOT/ Tirana shkëlqen për festat e fundvitit

FOTOT/ Tirana shkëlqen për festat e fundvitit

25 Dhjetor, 21:16