Raportimi në Senat/ Ministri italian: Seria A do rikthehet vetëm në siguri të plotë

Për të riparë sërish në fushë yjet e futbollit në Itali ende duhet të presim. Nuk ka një vendim se kur mund të rinisë Seria A dhe mbi të gjitha qeveria nuk po bën hapa pas. Gjatë raportimit në Senat Ministri i Sporteve në Itali Vincenzo Spadafora ka thënë në lidhje me çështjen e futbollit: ”Ne synojmë rinisjen e kampionatit por vetëm në siguri të plotë me masat e sigurisë dhe duke i qëndruar strikt protokollit. Qeveria ka mbajtur gjithmonë një linjë të qartë dhe koherente duke vënë në plan të parë shëndetin e futbollistëve.

Në asnjë mënyrë nuk ka qënë e mund që futbolli të rikthehej më shpejt ashtu siç pretendohej. Ne e dimë mjaft mirë domosdoshmërinë për ta përfunduar këtë sezon të Serisë A pasi në lojë janë jo vetëm motivet sportive por edhe ato ekonomike” e mbyll ministri Spadafora. Më pas ai i ka bërë thirrje Federatës që të përshtasë protokollin me atë që kërkohet nga Komiteti Teknik e Shkencor. Përgatiti Andi Kapxhiu

TAG:
• Seria A
• Vincenzo Spadafora
• Koronavirus