POP 5

Lajmet më të lexuara të 5 minutave të fundit

Politikë

Reagimet, Maqedonia notë
proteste Shqipërisë dhe Kosovës

Tensionohen marrëdhëniet mes Maqedonisë me Shqipërinë dhe Kosovën. Ministria e Punëve të Jashtme të Republikës së Maqedonisë, i ka dërguar një notë proteste Tiranës dhe Prishtinës zyrtare nëpërmjet ambasadorëve të vendeve përkatëse, akredituar atje. Nota e protestës është dërguar për arsye të deklaratave nga zyrtarë të Shqipërisë dhe Kosovës, lidhur me protestat e dhunshme, të organizuara në Maqedoni, pas vendimit për rastin “Monstra”, ku 6 shqiptarë u dënuan me burgim të përjetshëm për terrorizëm. VIDEO
Maqedonia, Rama: Të reflektojnë garantët e marrëveshjes së Ohrit
Tensionet në Shkup, Gruevski i përgjigjet Ramës: "Ohri" s'u shkel
Protestat, digjet flamuri maqedonas në Prishtinë
Reagimet, Maqedonia notë<br />proteste Shqipërisë dhe Kosovës
SHKUP- Tensionohen marrëdhëniet mes Maqedonisë me Shqipërinë dhe Kosovën. Ministria e Punëve të Jashtme të Republikës së Maqedonisë, i ka dërguar një notë proteste Tiranës dhe Prishtinës zyrtare nëpërmjet ambasadorëve të vendeve përkatëse, akredituar atje. Nota e protestës është dërguar për arsye të deklaratave nga zyrtarë të Shqipërisë dhe Kosovës, lidhur me protestat e dhunshme, të organizuara në Maqedoni, pas vendimit për rastin “Monstra”, ku 6 shqiptarë u dënuan me burgim të përjetshëm për terrorizëm.
 
Ministria e Jashtme e Maqedonisë, u ka përcjellë ambasadorëve të Shqipërisë dhe Kosovës shqetësimin se interpretimet që vënë në pikëpyetje funksionimin e gjyqësorit, si dhe vlerësime politike të zyrtarëve të lartë, nuk janë aspak të favorshme për nxitjen e marrëdhënieve të fqinjësisë së mirë.
 
“Ky është një vendim i dhënë nga gjyqësori, që është një sistem i pavarur. Deklarata të tilla mund të interpretohen si ndërhyrje në punët e brendshme të Republikës dhe jo në drejtim të forcimit të besimit reciprok dhe të fqinjësisë së mirë, parime që Maqedonia mundohet t’i zbatojë. Vlerësimet politike nuk kontribuojnë në marrëdhëniet mes vendeve”, thuhet në deklaratë.
 
Ambasadori i Republikës së Kosovës nga ana tjetër ka dënuar djegien e flamurit të Maqedonisë pranë Ambasadës së Republikës së Maqedonisë në Prishtinë, si një veprim që ofendon dinjitetin e Republikës së Maqedonisë. Në të njëjtën kohë, ambasadori ka shprehur bindjen se autoritetet kompetente të Republikës së Kosovës do të marrin masa për të ndëshkuar autorët e krimit.

nota e protestes
Zanafilla e acarimit të marrëdhënieve me Maqedoninë
Protestat në Maqedoni gjatë ditëve të fundit lidhur me rastin “Monstra”, ngjallën edhe reagimin e kryeministrit të Shqipërisë, Edi Rama.
 
“Ajo çfarë po ndodhë në Maqedoni meriton vëmendje. Marrëveshjes së Ohrit nuk i kanë dalë për zot vetëm dy palët, shqiptarët dhe maqedonasit, por edhe garantuesit. Nëse maturia duhet dypalësh, reflektimi duhet të jetë trepalësh. As burgosja e përjetshme e 6 shqiptarëve dhe as flamuri e radikalizmit, që bie ndesh interesave shqiptare, nuk mund të justifikohen. Garantët nuk duhet t’i kërkojnë shkaqet jashtë sferave të tyre, flamujt e radikalizmit kombëtar nuk ngrihen mbi shkopinj, por mbi plagë sociale, gërryese, varfëri, papunësi, keqarsimim dhe izolim, të cilat shkaktojnë reaksione nga më agresivet, në organizmin shoqëror të një bashkësie dhe për këto duhet menduar në tre palë për Maqedoninë, për këto duhet menduar në shumë palë për Ballkanin. Muaji i Ramazanit kohë e artë për të folur jo vetëm për paqe, por edhe për dije. Urdhri i parë i engjëllit për profetin është lexo. Ramazani është bërë për na kujtuar etjen për dije. Nuk e fsheh dot që do të ma donte zemra për ata që përpiqen që me të tyren duan te bëjnë më të mirën për vendin, por dua t'u them se mund ta rrezatojmë më së mirë vendin përmes harmonisë fetare”, tha kryeministri Rama.
 
Kjo ishte deklarata që shkaktoi reagimin e fortë të kryeministrit të Maqedonisë Nikolla Gruesvki, i cili me anë të një deklarate për mediat shkruan se marrëveshja e Ohrit nuk është shkelur dhe protestat në Maqedoni po nxiten nga radikalë islamikë. Partia VMRO-DPMNE e Gruevskit i ka kërkuar kryeministrit Rama, se meqë e mban këtë post prej pak kohësh, të informohet para se të dalë në konkluzione.
 
“Në kontekst të deklaratës së zotit Rama, dhe duke marrë parasysh faktin se ai nuk është prej një kohe të gjatë kryeministër i Republikë së Shqipërisë, i bëjmë thirrje që të bëjë një vizitë në mjediset ku jeton popullata etnike maqedonase në Shqipëri dhe të shohë kushtet në të cilat jetojnë ata, dhe të bëj një paralele me kushtet në të cilat jetojnë shqiptarët në Republikën e Maqedonisë”, u shpreh Gruevski.
 
Reagime të ashpra ndaj gjyqit “Monstra”, ku u dënuan 6 shqiptarë me burgim të përjetshëm, pati edhe në Kosovë. Ku një grup të rinjsh, i vunë flakën flamurit të Maqedonisë, para ambasadës së këtij vendi, në Prishtinë
 
Të gjitha këto zhvillime lidhen me protestat që shqiptarët e Maqedonisë zhvillojnë prej një jave, pas dënimit me burgim të përjetshëm të 6 shqiptarëve, të akuzuar për terrorizëm dhe vrasje.
 
Redaksia online
(l.n/e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Dhjetëra automjete të KFOR-it drejt veriut

Dhjetëra automjete të KFOR-it drejt veriut

30 Nëntor, 08:01