Reagon Erisa Xhixho: Fitoi
sinqeriteti i qytetarëve të Fierit

Kandidatja e LSI-së në qarkun e Fierit, Erisa Xhixho, e cila renditej e treta në listë ka folur për herë të parë pas rezultateve zgjedhore në Fier.

Pavarësisht se nuk u zgjodh deputete Xhixho është shprehur se, arriti fitoren më të madhe, sinqeritetin e të rinjëve grave, vajzave dhe gjithë qytetarëve të qarkut Fier.

“Falenderoj nga zemra LRI Fier dhe gjithë të rinëjve të qarkut Fier grave, vajzave dhe gjithë qytetarëve për çdo shtrëngim duarsh, dashuri buzëqeshje që më keni dhuruar me gjithë sinqeritetin e një miqësie që fitova falë jush. Kjo është fitorja më e madhe.

Pavarësisht gjithçkaje unë fitova miqësinë tuaj duke bërë një fushatë me emocion, me shumë dashuri, model europian siç unë e dëshiroja. Ne treguam qytetari dhe një politik ndryshe e cila sapo ka filluar betejën e saj,misioni vazhdon”, shkruan Xhixho në rrjetet sociale.



Redaksia online
D.M/Shqiptarja.com