POP 5

Lajmet më të lexuara të 5 minutave të fundit

Shëndeti

Realizohet me sukses bajpasi aorto-koronar në QSUT tek një pacient 73-vjeçar

Në QSUT u realizua një ndërhyrje e veçantë në zemër tek një pacient 73-vjeçar me probleme serioze të veshkave dhe diabet. 

Realizohet me sukses bajpasi aorto-koronar në QSUT tek një pacient 73-vjeçar

Në QSUT u realizua një ndërhyrje e veçantë në zemër tek një pacient 73-vjeçar me probleme serioze të veshkave dhe diabet. 

Bypassi në zemër e njohur si ndërhyrja MidCABG u realizua me një hapje minimale prej 6-7 cm duke lejuar rikuperim të shpejtë të pacientit, i cili mund te lë spitalin në gjysmën e kohës së zakonshme. Për shkak të patologjive shoqëruese, operacioni u krye duke mbajtur zemrën në punë gjatë gjithë kohës dhe pa hapur kraharorin në pjesën e përparme.

“Kjo procedurë e re i shtohet spektrit të ndërhyrjeve mini-invazive që kryhen rutinë në Shërbimin e Kardiokirurgjisë në QSUT”, shkruan në rrjetet sociale ministrja e Shëndetësisë Albana Koçiu, e cila veçon në falënderimet e stafit edhe mbështetjen e doktorit Stak Dushaj nga Qendra Universitare e Zyrihut.

Postimi i plotë

Në vazhdën e teknikave të reja mini-invazive, në QSUT është kryer ndërhyrja MidCABG (bypass aorto-koronar). Kjo procedurë u realizua në një pacient 73-vjeçar me probleme serioze të veshkave dhe diabet, i cili kishte ngushtim kritik të arteries koronare të majtë. Për shkak të patologjive shoqëruese, operacioni u krye pa përdorimin e qarkullimit ekstrakorporal, duke mbajtur zemrën në punë gjatë gjithë kohës dhe pa hapur kraharorin në pjesën e përparme.

Kjo ndërhyrje, e njohur si MidCABG, u realizua me një incizion alternativ, mini-torakotomi e majtë, me një hapje minimale prej 6-7 cm në hapësirën e katërt ndërkockore, duke lejuar një rikuperim të shpejtë të pacientit dhe ekstubimin e tij të menjëhershëm. Trauma minimale bën që pacienti të kalojë shpejt në repart dhe të dalë nga spitali në gjysmën e kohës së zakonshme, duke ulur kostot dhe ditëqendrimin.

Kjo procedurë e re i shtohet spektrit të ndërhyrjeve mini-invazive që kryhen rutinë në Shërbimin e Kardiokirurgjisë në QSUT.

Mirẽnjohje nga ekipit të mjekëve dhe infermierëve: Prof. Asoc. Altin Veshti, Dr. Arber Aliu, Dr. Fjoralba Qejvani, Dr. Ervin Bejko, Esmerilda Bulku, Jonela Burimi si dhe infermierëve Majlinda Elezi dhe Nerenza Elezi. Një falënderim i veçantë për Dr. Stak Dushaj nga Qendra Universitare e Zyrihut në Zvicër për mbështetjen e tij të vazhdueshme.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030! (FOTOT)

Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030! (FOTOT)

18 Dhjetor, 08:42