Referendumi në Turqi,OSBE:
2.5 milionë vota të dyshimta

Referendumi në Turqi sikurse pritej nuk do të sille aspak një klimë të qetë.

Vëzhguesit ndërkombëtarë shprehen se referendumi në Turqi kishte një “çekuilibër të rëndësishëm” duke dështuar për të përmbushur standardet ndërkombëtare dhe praktikat demokratike.Edhe sot OSBE vijon të hedhin dyshime mbi rreth 2.5 milionë vota.  

Kujtojmë se rreth 51.4 % e qytetarëve turq  votuan për ta shndërruar vendin në republike presidenciale duke i siguruar më shumë pushtet presidentit . Ishte pikërisht  deputetit austriak me origjinë turke Korun, pjesë e delefgacionit të OSBE i cili konfirmoi se dyshimet lindin  nga fakti se Komisioni i lartë zgjedhor  në kundërshtim me ligjin ka pranuar vota pa vulën zyrtare.  

Më tej  OSBE ka nënvizuar se votimi në Turqi nuk ishte në lartësinë e standarteve të Këshillit të Evropës. Nga ana tjetër opozita  është e vendosur për të kundërshtuar rezultatin  dhe është shprehur se do të paraqesë një ankesë formale në Komisionin e Lartë zgjedhor duke kundërshtuar numërimin e votave .

Sipas opozites votat e kontestuara arrijne rreth 1.5 milione.

Edhe përfaqësuesja e lartë  e BE Mogherini paralajmëroi Ankaranë që të vlerësojë me kujdes hapat e mëtejshëm.

“Duke pritur raportet e vëzhguesve, duke parë rezultatin e ngushte BE i bën thirrje Turqisë që të vlerësojë me kujdes hapat e mëtejshëm dhe të kërkojë një konsensus maksimal’ u shpreh zëdhënësja  e Komisionit Evropian  e cila shtoi se rikthimi i dënimit më vdekje është një nga linjat e kuqe dhe mbi të gjitha kalimi nga retorikë në aksione konkrete është shenjë që dëshmon se Turqia nuk dëshiron të jetë pjesë e familjes evropiane.

Nga ana tjeter kryeministri Binali Yildirim shprehet se të gjitha partitë duhet të respektojnë rezultatin.Yıldırım, shtoi se pas shpalljes së rezultateve zyrtare të referendumit do të rivendoset lidhja e presidentit të shtetit Recep Tayyip Erdoğan me partinë e tij AKP.

Redaksia Online
e.m/Shqiptarja.com
 

TAG:
• OSBE