POP 5

Lajmet më të lexuara të 5 minutave të fundit

Politikë

Referendumi, PD: Fitorja e Ramës
këmbanë alarmi për zgjedhjet 2017

Vota e socialistëve në referendumin e mbajtur dje në të gjithë Shqipërinë, që rikonfirmoi mandatin e Edi Ramës në krye të partisë Socialiste, është blerë. VIDEO
Referendumi, PD: Fitorja e Ramës<br />këmbanë alarmi për zgjedhjet 2017
Vota e socialistëve në referendumin e mbajtur dje në të gjithë Shqipërinë, që rikonfirmoi mandatin e Edi Ramës në krye të partisë Socialiste, është blerë.
 
Kjo deklaratë vjen nga selia blu, ku në një dalje për mediat koordinatorja për marrëdhëniet me publikun, Grida Duma tha se vota u ble nga oligarët, milionerët dhe deputetët e Ramës.
 
"Të gjithë të inkriminuarit u bashkuan rreth një kauze për t'i siguruar oligarkut Rama sundimin pa zgjedhje," tha ajo.
 
Sipas saj, dhunimi i votës së lirë është kambanë alarmi për zgjedhjet parlamentare që po vijnë.
 
Por PD shprehet e bindur se nuk do të lejoj që skema të tilla kundër votës së lirë, të zbatohen në zgjedhjet e ardhshme parlamentare.

Deklaratë e Sekretares së Marrëdhënieve me Publikun, Grida Duma
 Votimet e Edi Ramës për të mos lejuar zgjedhje në partinë e tij, janë më shumë se çështje e brendshme e Partisë Socialiste, pasi qëkur kjo alibi leifeniane u shpall e derisa u mbyll, pati dhunim të votës.

Të gjitha shkeljet e evidentuara nga OSBE-ODIHR në raportin zyrtar për zgjedhjet e qershorit të vitit të kaluar, ishin të pranishme në votimin e djeshëm.
Gangsterët e të fortët e Edi Ramës që kontrollojnë qendrat e votimit, ishin dje në krye të detyrës dhe tanimë ata janë promovuar nga Edi Rama pasi u ka besuar drejtimin e partisë.
Presioni ndaj administratës ishte skandaloz pasi jo vetëm u monitoruan me lista kush votonte, por u thirrën dhe u kërcënuan të gjithë nëpunësit që nuk patën ndërmend të votonin.
Manipulimi nisi me listat që në fillim, të cilat u krehën dhe u sistemuan, që të ishin aty vetëm besnikët e Edi Ramës.

Manipulimi vazhdoi me shpalljen e rreme të pjesmarrjes, duke zmadhuar shifra sipas hesapit të Ramës, pasi askush nuk pati akses të verifikonte saktësinë e tyre.
Vota u ble nga oligarkët milionerë të Ramës, deputetët biznesmenë dhe kryetarët e bashkive u hodhën në aksion që me zgjedhjen e delegatëve e deri dje pasdite vonë.
Të gjithë të inkriminuarit u bashkuan rreth kauzës, për ti siguruar kumbarit Rama sundimin e partisë pa garë e pa zgjedhje. Të gjitha këto shkelje, dhunime, abuzime, janë tipari i një armiku të konfirmuar të votës së lirë, siç është Edi Rama.

Dhunimi i votës dje, tregon raportin që ky njeri ka me zgjedhjet, të vetmin raport që ka me votën, që është blerja, manipulimi, dhunimi.
Kjo është një kambanë alarmi për zgjedhjet që po vijnë pasi është e qartë se Edi Rama ka vetëm një projekt, shkatërrimin e tyre.
Ndaj Partia Demokratike është e vendosur së bashku me qytetarët dhe me partnerët ndërkombëtarë të mos lejojë për asnjë moment që skemat e Edi Ramës kundër votes së lirë të zbatohen në zgjedhjet që po vijnë.
Vota e lirë, zgjedhjet e lira e të ndershme janë fundi i tij. Një fund që ai nuk ka për ta ndalur dot sado të përpiqet.


Redaksia online
(u.s/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29