Reforma, ambasadori i OSBE: Presim dënime për shkeljet zgjedhore

Me mbështetjen e Prezencës së OSBE-së, Komisioni i Posaçëm për Reformën Zgjedhore zhvilloi sot mbledhjen e radhës, në formën e një tryeze teknike pune, përqendruar në disa prej çështjeve të fushatës zgjedhore.

Në fjalën e tij, kryetari i Prezencës, ambasadori Bernd Borchardt, theksoi edhe një herë rekomandimin për një reformë të plotë dhe në kohë, e cila do të trajtojë të gjitha rekomandimet e papërmbushura të OSBE/ODIHR-it nga tri zgjedhjet e fundit.

 Mandati i Komisionit të Posaçëm u zgjat së fundmi dhe unë i rekomandoj fort Komisionit ta finalizojë reformën zgjedhore brenda këtij afati të ri

Ambasadori Bernd Borchardt

Ai u ndal te çështja e blerjes së votës, duke thënë se Prezenca e OSBE-së po i ndjek me shumë vëmendje rastet e denoncuara në prokurori dhe shpreson të ketë më shumë padi dhe vendime gjykate.

ODIIR rekomandon përpjekje të forta për çështjen e shit-blerjes së votës. Nevojiten përpjekje serioze për të trajtuar çështjen e shit-blerjes së votës si nëpërmjet një fushate ndërgjegjësimi qytetar ashtu edhe nëpërmjet ndjekjes penale për të rritur besimin tek proceset zgjedhore. 

Ne i kushtojmë shumë vëmendje çështjes së shkeljeve zgjedhore që i janë raportuar Prokurorisë së Përgjithshme dhe presim me padurim për më shumë dënime dhe vendime

Kreu i Prezencës së OSBE-së në Tiranë, Bernard Borchard

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet