POP 5

Lajmet më të lexuara të 5 minutave të fundit

Kronikë

Reforma, Byroja e Hetimit i merr 
përgjimet telefonike Prokurorisë

Prokuroria e Posaçme Antikorrupsion dhe Byroja Kombëtare e Hetimit pritet të shndërron në epiqendrën e përgjimeve dhe vëzhgimeve në Shqipëri.  VIDEO
Prokuroria e Posaçme Antikorrupsion dhe Byroja Kombëtare e Hetimit pritet të shndërron në epiqendrën e përgjimeve dhe vëzhgimeve në Shqipëri, duke nxjerrë jashtë loje Prokurorinë e Përgjithshme dhe eklipsuar në të njëjtën  kohë Shërbimin Informativ Shtetëror. Drafti për institucionet antikorrupsion i jep SPAK rol parësor në raport me Prokurorinë e Përgjithshme, sa i takon përgjimeve. Po ashtu, Kodi i ri i Procedurës Penale, në nenin 223, reflektim i ndryshimeve kushtetuese dhe i projektligjeve prorioritare, parashikon SPAK-un si opsion të mundshëm ku do të instalohet sistemi i përgjimit, për realizimin e procesit teknik të përgjimeve. Ekspertët e Bashkimit Evropian, që asistojnë autoritetet shqiptare për hartimin dhe zbatimin e reformës në drejtësi, propozojnë mundësinë që sistemi i përgjimit të instalohet në Prokurorinë e Posaçme.

Ndërkaq, përgjimi i komunikimeve elektronike tashmë do të kryhet nga prokuroritë e posaçme Pranë Gjykatës së Shkallës së Parë kundër Korrupsionit dhe Krimit të Organizuar dhe në prokuroritë pranë gjykatave të shkallës së parë, me juridiksion të përgjithshëm. Sa i takon përgjimeve parandaluese, EURALUS ka sjellë në vëmendje modelin kroat, si model suksesi. Kuadri ligjor i modelit kroat parashikon se autorizimi i përgjimeve parandaluese bëhet nga një bord i veçantë për Sigurinë Kombëtare si dhe me aprovimin e Presidentit të Gjykatës së Lartë vetëm në rastet e sigurisë kombëtare, ndryshe nga modeli shqiptar kur kërkesa duhet të depozitohet pranë Prokurorit të Përgjithshëm, i cili pas shqyrtimit të kërkesës miraton ose refuzon kërkesën për përgjimin e telekomunikimeve.

Telefonatat e ndaluara
Një oficer pranë Byrosë Kombëtare të Hetimit do të mbikëqyrë komunikimet e njerëzve të drejtësisë. Sipas draftit për ngritjen e institucioneve që do luftojnë korrupsionin dhe krimin e organizuar, oficeri përgjegjës nuk dëgjon telefonatat që shkelin të drejtën për jetë private të personave që nuk kanë dhënë miratim paraprak për mbikëqyrjen. Por, drafti parashikon që nëse oficeri përgjegjës ka dyshim të arsyeshëm se ka ndodhur apo do të ndodhë një vepër penale dhe se mbikëqyrja e asaj telefonate me persona që nuk kanë dhënë miratim paraprak do të japë prova për këtë vepër penale, ai do të kontaktojë menjëherë një Prokuror të Posaçëm të papërfshirë në shkelje, për të marrë autorizim nga gjykata.

Të dhënat pa autorizim të gjykatës
Prokurori, me vendim të motivuar dhe për qëllim të mbledhjes së provave, mund të autorizojë mbledhjen e disa të dhënave nga operatorët e shërbimit të komunikimit publik, pa autorizimin e gjykatës. Prokurori mund të mbledhë të dhëna si identitetin, kohëzgjatjen dhe frekuencën e komunikimit me adresa të caktuara të komunikimit elektronik, vendndodhjen e pajisjes me të cilën është komunikuar, identifikimin e telefonit celular, IMEI, identitetin e ambientit dhe përdoruesin e regjistruar për akses në internet dhe adresën IP, datën dhe orën e lidhjes dhe daljes nga shërbimi i internetit.

Redaksia online
a.n shqiptarja.com
 
 

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Eduard Zaloshnja: Rama synon 1 milion vota gjithësej dhe 84 mandate për PS-në, por…

Eduard Zaloshnja: Rama synon 1 milion vota gjithësej dhe 84 mandate për PS-në, por…

10 Janar, 09:40 nga Eduard Zaloshnja