POP 5

Lajmet më të lexuara të 5 minutave të fundit

Politikë

Reforma, Gjiknuri braktis
tryezën, OSBE: Jepini fund

Bashkëkryetari socialist i komisionit të Reformës Zgjedhore braktisi tryezën e organizuar sot paradite me temë Trashëgimia zgjedhore europiane.
TIRANE-  Bashkëkryetari i komisionit të Reformës Zgjedhore, socialisti Damian Gjiknuri ka braktisur tryezën e organizuar sot paradite në hotel Tirana në shenjë revolte ndaj faktit se nuk i është bërë ftesë zyrtare dhe nuk kishte të drejtë të mbante fjalën. Kreu i OSBE-se ben apel për mbylljen e reformës zgjedhore. Topalli: Mazhoranca është e gatshme.

GJIKNURI I PS: S'ME FTUAN 
Aktiviteti me temë “Trashëgimia zgjedhore evropiane,dhjetë vjet të Kodit të Praktikave të Mira në Çështjet Zgjedhore” ishte organizuar nga kryesia e Kuvendit dhe Damian Gjiknuri ka thënë për gazetaren e Shqiptarja.com se nuk kishte pasur ftesë zyrtare, siç kishte pasur bashkëkryetari tjetër, Ilir Rusmali. Ndërkohë që ishte i pranishëm në këtë aktivitet si anëtar i komisionit të ligjeve.

WOLLFARTH: PERMBYLLNI REFORMEN
Në tryezë kreu i prezencës së OSBE-së në vendin tonë, Eugen Wollfarth përsërit apelin drejtuar forcave politike të lënë mënjanë interesat vetjake, dhe të përmbyllin reformën e domosdoshme për zgjedhje të lira në 2013.
“Një përfundim në kohë i reformës nevojitet edhe që Komisioni Qendror i Zgjedhjeve të ketë kohë të mjaftueshme për të bërë përgatitjet e duhura në mënyrë të efektshme.  Përmbushja e kësaj detyre kërkon, mbi të gjitha, që udhëheqësit politikë t'i lënë mënjanë interesat partiake vetjake dhe të vënë në plan të parë vendin e të nderojnë besimin që u kanë dhënë qytetarët shqiptarë.”- deklaroi Wollfarth. Ai shtoi se edhe shoqëria civile duhet të luajë një rol të plotë në ecjen përpara të ndryshimeve, të cilat mbështeten nga OSBE.

TOPALLI: NE TE ANGAZHUAR
Kryetarja e Kuvendit, Jozefina Topalli, shprehu gadishmërinë për përfundimin sa më parë të reformës zgjedhore dhe kufizimin e imunitetit të zyrtarëve të lartë. “Maxhoranca- tha Topalli- ka vullnetin e mirë për të zbatuar dokumentin e Këshillit të Europës, Kodin e Praktikave të mira Zgjedhore, si dhe rekomandimet e ODIHR.”

Në konferencë mbajtën fjalën e tyre dhe anëtarë të Komisionit të Venecias, si dhe deputetë të Kuvendit të Shqipërisë, anëtarë të Këshillit të Lartë të Drejtësisë, përfaqësues të shoqërisë civile, trupi diplomatik i akredituar në Tiranë, etj.
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Vota e diasporës kërkon ndërhyrje në Kod Zgjedhor, Berisha: Do votojmë çdo ndryshim! Jemi në negociata

Vota e diasporës kërkon ndërhyrje në Kod Zgjedhor, Berisha: Do votojmë çdo ndryshim! Jemi në negociata

10 Janar, 13:48