Kronikë

Reforma në Drejtësi, Prokuroria
e Tiranës krijon 7 njësi hetimore

Nga kjo javë prokuroria e Tiranës nuk ka më njësit hetimore “task forcë” por do të funksionojë me 7 seksione hetimore nga drejtuesit e të cilave do të zgjidhet dhe zëvendësi i këtij institucioni. ReportTv ka siguruar urdhrin e kreut të akuzës së Tiranës ndër të cilat kërkohet dhe aplikimi i shortit elektronik për ndarjen e procedimeve penale midis prokurorëve si një ndër ndryshimet që vjen nga zbatimi i reformës në drejtësi.

VIDEO

Reforma në Drejtësi, Prokuroria<br />e Tiranës krijon 7 njësi hetimore

Redaksia 10 Shkurt 2017, 17:24 | Përditesimi:

Prokuroria e Tiranës nis zbatimin e reformës në drejtësi duke krijuar shtatë seksionet hetimore të ndara sipas veprave penale ndërsa javën e ardhshme në këtë institucion do të nis dhe shorti elektronik për ndarjen e dosjeve tek prokurorët tek kjo njësi.

ReportTv ka siguruar një kopje të urdhrit të drejtuesit të këtij institucioni ku seksionet e reja janë të ndara në këtë formë.

Narkotikët dhe trafiqet do të drejtohen nga Arben Nela, Krimi ekonomiko financiar në drejtimin e Mariola Mërtirit, Seksioni kundër korrupsionit dhe shpërdorimit të detyrës nga Deniona Kodra.

Krimet kundër jetës dhe aktet terroriste nga Erion Pano, veprat penale kundër pronës nga Dritan Rreshka, Hysni Mulaj do të drejtojë seksionin e krimeve të kryera nga të miturit, dhe Gjergji Tako seksionin e vendimeve penale dhe marrëdhëniet juridiksionale me jashtë.

Këto njësi kanë nisur funksionim nga kjo e hënë ndërsa pas këtij urdhri mësohet se njësit ekzistuese deri më tani të njohura si task forcë janë shkrirë.

Një tjetër strukturë e krijuar rishtazi me zbatimin e reformës në këtë institucion është dhe zyra e marrëdhënieve me media.

Sipas urdhrit të drejtuesit të këtij institucioni javën e ardhshme pritet të zgjidhet në zbatim të ligjit për prokurorinë dhe zv.drejtuesi i prokurorisë së Tiranës.

Por si do të zgjidhet zëvendësi i këtij institucioni?

Sipas burimeve për ReportTv do të jetë gara midis 7 drejtuesve të seksioneve të krijuara hetimore dhe pëlqimi i prokurorëve të cilët do të vendosin se kush do të jetë numri dy i prokurorisë së Tiranës.

faksimile