Riformatimi i KQZ-së/ Murrizi në 'Repolitix': Opozita e re nuk do ta votojë, ekspertët t'i pinë lëngun

TIRANË- Deputeti i opozitës parlamentare, Muslim Murrizi e ka cilësuar si të turpshme draftin e ekspertëve për Reformën Zgjedhore, ku theksoi se nuk do ta votojnë në parlament.  Në studion e Report Tv, në emisionin 'Repolitix', Murrizi tha se nuk është dakord me pikat e këtij drafti të dytë të propozuar ditën e sotme në Komisionin e Reformës së Reformës Zgjedhore.

"Kjo është sepse Ramës dhe Bashës nuk i vjen mirë që do t'u ikë bajraktarizimi i 140 karrigeve nga duart. Do të fusin 100 nene si këta. Kanë vetëm dy mundësi që të mos i pyesin ata deputetë: Ose të bëjnë Asamble Popullore si në kohën e kooperativave ose nëse kanë këllqe, në qoftë se iu kanë mbetur një pikë moral, ose kanë fytyrë të shkojnë t'i drejtohen referendumit qytetar, të mos na pyesin ne fare. Nuk i votojmë me nesër fare këto, t'i pinë lëngun. Ne të 7 të opozitës nuk do i votojmë. Thuji "kush t'i ka sjellë, merri dhe t'i pinë lëngun'. Thuaju ekspertëve "Pijini lëngun", tha Murrizi.

Por çfarë parashikonte drafti i ekspertëve që Murrizi nuk është dakord? Report Tv siguroi draftin e dytë të hartuar nga ekspertët që e vendos theksin te reformimi tërësor në tri nivele i administrimit zgjedhor në Shqipëri duke e depolitizuar. Me propozimet e reja, Komisioni Qendror i Zgjedhjeve (KQZ) riformatohet si institucion me përgjegjësi të ndara, në kompetenca dhe autoritete ushtruese të tyre. Me propozimet e reja, nëse do të arrijnë konsensusin dhe të miratohen në komision;

Komisioni Qendror i Zgjedhjeve do përbëhet nga: Komisioneri Shtetëror i Zgjedhjeve; Komisioni Rregullator; dhe Komisioni i Ankimimeve dhe Sanksioneve.

B.K./Shqiptarja.com

TAG:
• kqz
• reforma zgjedhore
• Muslim Murrizi