POP 5

Lajmet më të lexuara të 5 minutave të fundit

Politikë

Reforma, punonjësit e fasoneve
kontribute e paga gratis nga shteti

Punonjësit e rinj të industrisë fasone nuk do të paguajnë kontribut shëndetësor apo për efekt pensionesh për një vit, ndërkohë që do të trajtohen njësoj si të tjerët nga shteti.
 
Reforma, punonjësit e fasoneve<br />kontribute e paga gratis nga shteti
TIRANE- Punonjësit e rinj të industrisë fasone nuk do të paguajnë kontribut shëndetësor apo për efekt pensionesh për një vit, ndërkohë që do të trajtohen njësoj si të tjerët nga shteti. Kjo ishte një nga masat e prezantuara dje nga qeveria në takim me industrinë e material-porositësit, ku është thënë edhe se për punonjësit e rinj do të paguajë shteti pagën e 4 muajve

Kryeministri Edi Rama, ministrat Arben Ahmetaj dhe Erjon Veliaj kanë bërë prezantimin e një pakete masash në ndihmë të kësaj industrie. Ata kanë theksuar se, pas vendimeve të para, që mundësojnë dhënien e objekteve shtetërore me qera për një shifër simbolike prej 1 euro, si dhe për rimbursimin e TVSH-së për eksportuesit brenda 30 ditëve, tani një serë masash të tjera do të nxitin rritjen e kësaj industrie. Kjo bëhet me qëllim arritjen e një shifre prej 900 milionë eurosh në vit në eksportin e fasoneve, duke kapur një rritje 80 për qind të eksportit shqiptar në total. Kjo do të sillte 5-6 për qind rritje të prodhimit të brendshëm bruto, thanë qeveritarët.

Synimi është që me këto masa të nxitet shtimi i 16 mijë vendeve të reja të punës brenda një viti, që do të shkonin në 60 mijë të tilla vitin e dytë dhe 100 mijë në fund të vitit të tretë të zbatimit të kësaj pakete incentivash.
Paketa për mbështetjen e fasonëve është paketa  e parë e këtij lloji për industrinë  e përpunimit aktiv në Shqipëri.

Sipas kryeministrit, veçoria e saj më e madhe është se kjo është paketa e parë e mbështetjes për një sektor, e cila është zhvilluar në bazë të kërkesave të vetë sektorit dhe jo diktateve të qeverisë apo të një ministrie. “Pikërisht, hapi i parë i zhvillimit të paketës ka qenë mbledhja e opinioneve nga vetë grupet e interesit. Ndërsa Ministria e Zhvillimit Ekonomik, Tregtisë dhe Sipërmarrjes ka drejtuar një grup të gjerë ministrish dhe institucionesh shtetërore në përgatitjen e masave dhe përgjigjeve të mundshme ligjore e procedurale për propozimet e paraqitura”, tha Rama.    

masat

Shkrimi u publikua sot (22.04.2014) në gazetën Shqiptarja.com (print)

Redaksia Online
(d.a/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Media greke shkrim racist për shqiptarët: Imagjinoni të festonim ne kështu në mes të Tiranës, nuk respektojnë as bukën që hanë në Greqi

Media greke shkrim racist për shqiptarët: Imagjinoni të festonim ne kështu në mes të Tiranës, nuk respektojnë as bukën që hanë në Greqi

29 Nëntor, 20:27