POP 5

Lajmet më të lexuara të 5 minutave të fundit

Politikë

Reforma territoriale, komunarët
e PD ulen në tryezë me qeverinë

Kryekomunarët të Partisë Demokratike dalin kundër Lulzim Bashës duke marrë pjesë në tryezën e qeverisë për reformën territoriale. Grupet më të fundit të punës për këtë reformë janë ngritur në qytetin e Kukësit dhe të Beratit. 
Reforma territoriale, komunarët<br />e PD ulen në tryezë me qeverinë
TIRANE- Kryekomunarët të Partisë Demokratike dalin kundër Lulzim Bashës duke marrë pjesë në tryezën e qeverisë për reformën territoriale. Grupet më të fundit të punës për këtë reformë janë ngritur në qytetin e Kukësit dhe të Beratit.

Në mbledhjen e organizuar sot në Berat, është konstatuar prania e disa prej përfaqësuesve të njësive vendore ku në krye janë zgjedhur kandidat nga radhët e Partisë Demokratike.

Konkretisht kryetari i Komunës së Bogovës dhe të Samaticës morën pjesë në tryezën e organizuar nga qeveria për ngritjen e grupeve të punës për t’u konsultuar mbi reformën administrative-territoriale.

Kryetari i Komunës së Bogovës, Fadil Kapllani ka theksuar se prania e tij në grupin e punës për hartimin e kësaj reforme ishte në shërbim të qytetarëve që e kanë zgjedhur dhe jo si një person politik, duke shtuar se nëse baza e partisë do t’i kërkonte tërheqjen nga kjo tryezë, ai do ta bënte. “Kam marrë pjesë si kryetar komune, jo si përfaqësues politik i PD-së në mbledhjen për reformën territoriale.

Nëse më kërkohet nga opozita që të tërhiqem, do të marr vendimin që të tërhiqem.”-tha Kapllani.

Kësisoj, ky qëndrim i të zgjedhurve vendorë të Partisë Demokratike del disi kundër vendimit që ka marrë kryetari i tyre, pavarësisht se ata kanë deklaruar se nëse do t’ia kërkoj baza e partisë, ata do të tërhiqen.

Ndërkaq, Komisioni i Posaçëm për reformën nuk ka nisur punën për shkak të refuzimit të opozitës për tu bërë pjesë e tij. 

Redaksia online 
(sg/ak/shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46