Reforma territoriale, Meta: Ka një
afat, opozita i ka të gjitha kushtet
Kreu i LSI-së dhe i Kuvendit, Ilir Meta ka deklaruar se, opozitës i janë ofruar të gjitha kushtet për të qenë të barabartë për reformën territoriale, por ama ka një afat të caktuar për përfundimin e saj. Deklarata u bë nga selia e LSI-së, në një konference për median.
TIRANË - Kreu i LSI-së dhe i Kuvendit, Ilir Meta ka deklaruar se, opozitës i janë ofruar të gjitha kushtet për të qenë të barabartë për reformën territoriale, por ama ka një afat të caktuar për përfundimin e saj. Deklarata e Metës është bërë ditën e sotme nga selia e LSI-së, gjatë një konference për median.
“Sa i përket reformës territoriale, nuk është mazhoranca ajo që vendos ultimatum, përkundrazi kemi treguar vullnet për bashkëpunim, duke i ofruar mundësi të barabartë, si në numër anëtarësh në komision, nga 8 anëtarë ne dhe 8 anëtarë opozita, dhe gjithashtu edhe nga një bashkëkryetar mes dy palëve”, deklaroi kreu i LSI-së dhe Kuvendit, gjatë konferencës.
Sipas tij, “koha po ikën dhe ka disa afate, dhe ne do të dëshirojmë të kishte një reflektim nga ana e Partisë Demokratike”. Për Metën, “rezulton absurd refuzimi mjaft tolerant për konsensus, i kësaj reforme të rëndësishme për vendin dhe të kërkuar dhe sugjeruar nga ndërkombëtarët”.
“Megjithatë në fund është një e drejtë e PD që të bëjë zgjedhjen e saj, ndërsa vullneti ynë është bashkëpunimi dhe gjetja e konsensusit për reformën territoriale duke i ofruar opozitës të gjitha kushtet”, theksoi gjatë fjalës së tij, kreu i LSI-së, Ilir Meta.
Duke vazhduar më tej, i pyetur në lidhje me deklaratën e kryeministrit Rama se zotëron votat e nevojshme për miratimin e reformës territoriale, Ilir Meta tha se ky është tregues i tolerancës
“Mendoj se deklarata e Ramës nuk mbetet tregues i arrogancës së kësaj mazhorance por i tolerancës sepse asnjë mazhorancë nuk ka patur votat për miratimin e kësaj reforme. Dhe ne edhe pse i kemi votat e nevojshme për miratim të reformës, prej afro 3 muajsh po presim opozitën për të vetmin qëllim, realizimin e standarteve evropiane”, përfundoi deklaratën e tij, kreu i LSI-së dhe Kuvendit, i pyetur nga media në lidhje me zhvillimet e fundit për bërjen dhe miratimin e reformës territoriale.
Redaksia online
(ac/ec/shqiptarja.com)
Sondazhi i ditës:
A po jep rezultate lufta e SPAK ndaj grupeve kriminale?
-
Po
73.8%
-
Jo
19.3%
-
Nuk e di
6.9%
Vota total: 2237
Votat totale janë unike
Lajme të tjera
-
Dita e muzeve, art në ndërtesat historike të Shkodrës (VIDEO)
18 Maj, 22:50
-
Krimineli maqedonas dhe shqiptari lidhin e dhunojnë 3 të moshuar në Greqi! U grabisin 19 mijë euro e stoli! Arrestohen në pyll
18 Maj, 22:20
-
Maqedoni e Veriut, më 22 maj rivotime në disa qendra votimi
18 Maj, 22:12
-
Meritoni debat me Eglën: Luan rolin e viktimizimit, e shoh të revoltuar që nuk arriti ajo e para në finale
18 Maj, 21:44
-
Populli im nuk është as homofob, as racist!
18 Maj, 21:39
-
Ish-drejtuesi i lartë i 'OpenAI': Kompania nuk ka përparësi sigurinë! Prodhimi i pajisjeve më të zgjuara se njeriu, përpjekje e rrezikshme
18 Maj, 21:27
-
Ylli Pata: 'Diversiteti' - Teza e Agron Gjekmarkajt, si tendë për ballkonin e Berishës
18 Maj, 21:12
-
Fabrizio Bosso sjell në Tiranë koncertin 'We Wonder', homazh për muzikantin Stevie Wonder
18 Maj, 21:06
-
Zelensky: Rusia mund t’i intensifikojë sulmet në Ukrainë
18 Maj, 20:59
-
Benefitet e Yoga-s, Klodian Murati: Është mënyrë jetesë më shumë se stërvitje e trupit
18 Maj, 20:39
-
A jemi të gjithë të informuar kur duam të bëjmë ndërhyrje estetike? Me 25 maj në Shqipëri do të jenë kirurgët më të mirë në botë
18 Maj, 20:33
-
Mero Baze: Bashkim në perversitet!
18 Maj, 20:24