TIRANE- Reforma Territoriale e miratuar nga maxhoranca detyron ligjvënësit që të ndryshojnë Kodin Zgjedhor pasi në të kundër bllokohet procesi i zgjedhjeve vendore për Bashkinë e Tiranës.

Ndarja territoriale e miratuar në datën 31 korrik nga deputetët e mazhorancës së bashku me PDIU ka çuar automatikisht në bllokimin e procesit zgjedhor për Bashkinë e Tiranës pasi Kodi Zgjedhor ka përcaktuar procedura të tjera për zgjedhjet e kryeqytetit.

Duke qenë se nga ndarja e re territoriale hiqet nocioni i minibashkive në kryeqytet, zgjedhjet për Tiranën bllokohen pasi janë pesë nene në Kodin Zgjedhor që përcakton procedura specifike se si do të zhvillohet zgjedhjet.