Reforma Territoriale, OJF: Jo më
këshilla komunarë, 40 njësi vendore

TIRANE- Organizatat jo Fitimprurëse kërkuan dje që këshillat komunarët të shkrihen dhe të mos ekzistojnë më. Në mbledhjen e djeshme të Komisionit për Reformën Territoriale ishin në seancë dëgjimore Kryetari i Qendrës për Informimin Publik, Gerti Shella theksoi se pjesa më e madhe e këshillave vendorë janë ata komunal dhe janë shkaktarët kryesorë e mosfunksionimit të njësive vendore. Në fjalën e tij përpara deputetëve të Komisionit për reformën Territoriale theksoi se këto këshilla komunarë duhet të shkrihen dhe të mos ekzistojnë duke listuar dy arsye kryesore.

E para sipas tij ishte fakti se anëtarët e këtyre këshillave përbehen nga njerëz që nuk kanë arsim të lartë. Konkretisht ai theksoi se vetëm 20% e anëtarëve të këshillave komunal kanë arsim të lartë ndërsa pjesa tjetër jo. Si argument të dytë ai theksoi se një këshill komuna miraton rreth 3 mijë vendime në vit, dhe këto çojnë në një mbingarkesë të funksionit të njësisë vendore. Kjo pasi çdo vendim i këshillit komuna kërkon që të dekretohet nga prefekti i qarkut, dhe duke analizuar faktin se vetëm në një vit një komunë dërgon rreth 3 mijë vendime tek prefekti, gjë që çon në një inflacion vendimesh.

Kërkesat ekonomike
Krahas OJF-ve që merren me transparencën e vendimmarrjeve, në dëgjesën e djeshme ishte i pranishëm edhe Gjergj Buxhuku, kryetari i Konfindustrias. Në fjalë ne tij përpara deputetëve ai theksoi se vendi duhet të rikthehet nën administrimin e rretheve pasi sipas tij, kjo është edhe njësia vendore që ka sjellë më shumë rezultat në qeverisjen e pushtetit vendorë. Krahas kësaj, ai theksoi se numri total i njësive vendore nuk duhet të shkoi më shumë se 40, pra një numër shumë herë më i vogël se sa numri aktual i njësive vendore. Kësisoj sipas tij, ky numër i vogël i njësive vendore do të çoi në mirë administrimin e parave si edhe do të kenë mundësi që të thithin më shumë fonde nga donacionet ndërkombëtare.

Minoritetet
Përfaqësuesit e Organizatave jo Fitimprurëse dhanë dje këshilla për funksionin e minoriteteve. Sipas tyre, një zonë minoritare duhet të janë në mbulesën e rrethit si edhe të kenë të deleguarin e tyre në komunën përkatëse i cili nuk do të jetë i zgjedhur me votë nga banorët minoritar por nga kreu i prefekturës si edhe ky person të jetë pjesë e asaj zone minoritare.

Redaksia Online
(d.a/shqiptarja.com)
 

/Shqiptarja.com