Reforma territoriale pa opozitën?
Rama: Një pjesë e tyre votoi

Kryeminisri Edi Rama tha se reforma territoriale i morri dhe votat e opoiztës gjatë seancës së fundit në Kuvend, ku deputetët e PDIU-së dhanë votën pro refomës.

“PD nuk është në zotërim të monopolit të opozitës. Dje me reformën janë bashkuar në një seancë debati dhe votimi dhe përfaqësues të partisë së dytë më të madhe të opozitës, të cilët gjej rastin t’i falënderoj për qasjen konstruktive ndaj një procesi ku kam keqardhjen më të plotë për PD”,  tha kryeministri, duke iu referuar PDIU-së.

I pyetur për aleatin e tij, Vangjel Dule i cili doli kundër refomës, Rama theksoi se miratimi reformës është një shëmbull për vëndet e rajonit për sa i përket garantimit të të drejtave të minoriteve.

“Vangjel Dulen unë nuk e kam bërë mik në koalicion, e kam pasur dhe më parë dhe do ta kem gjithmonë pavarësisht në çfarë koalicioni do të jetë. Do të isha i keqardhur që një reformë historike ku duhet të ndihet mirë çdo shqiptar, edhe ata me kombësi greke, të ishte sebep për t’u larguar nga koalicioni. Sepse do të ishte në rastin më të mirë mungesë objektiviteti. Ne jemi një koalicion dhe jo një kazermë. Në këtë rast këndvështrimet tona ishin të papërputhshme, pasi për ne është e qartë se Himara nuk është çështje më shumë se çështë Dibra, Korça, Tropoja.  Me reformën e djeshme Shqipëria jep një shembull të shkëlqyer për të gjithë fqinjët dhe padyshim si një vend evropian në Europë, sepse garanton në mënyrë bujare dhe largpamëse një trajtim të posaçëm për minoritetet”, tha kryeministri Rama.



Redaksia Online
(g.f/shqiptarja.com)