Reforma Zgjedhore, Çuçi: PS, vendim politik, të pilotojmë teknologjinë në 2019

Reforma Zgjedhore, Çuçi: PS, vendim politik, të pilotojmë teknologjinë në 2019

Bledi Çuçi, bashkëkryetar, PS

TIRANE-Bashkëkryetari socialist i Komisionit të Reformës Zgjedhore, Bledi Çuçi, konfirmon se amendamentet janë duke u shkruar, por votimi parashikohet për në dhjetor.

Kemi nisur tashmë shkrimin e amendamenteve konkrete për të përkthyer tre elementë të rëndësishëm. Së pari është një vendim politik i PS për të pilotuar përdorimin e teknologjisë në zgjedhje, së dyti për kërkesën tonë të kahershme për votën e emigrantëve, dhe kryesorja për të reflektuar rekomandimet e OSBE-ODIHR

Bledi Çuçi, bashkëkryetar, PS

Të dy partitë janë duke biseduar se cila bashki do të përdoret për projektin pilot, i cili parashikon të testojë jo vetëm identifikimin teknologjik, por edhe depolitizimin e komisioneve.

Po shohim mundësinë e një pilotimi për përdorimin e teknologjisë por edhe për depolitizimin e komisioneve. Ka ardhur koha të kemi një armatë profesionistë komisionerësh. Sigurisht që nuk mund të kalojmë menjëherë nga një sistem kaq i politizuar në një të depolitizuar fare.

Bledi Çuçi, bashkëkryetar, PS

Sa i takon votës së emigrantëve, PS-PD kanë rënë dakord ta përdorin vetëm në zgjedhjet parlamentare dhe detajet po përpunohen. Por a ka pika që mund t’i ndajnë palët dhe të rrezikojnë konsensusin?

Djalli shihet në detaje, dhe do ta shohim këtë tek detajet.

Bledi Çuçi, bashkëkryetar, PS

Burime pranë ambasadës gjermane zbardhën sot për Report Tv emrat e ekspertëve që po shkruajnë draftet për reformën zgjedhore. Dy ekspertët janë Ilir Rusmajli, propozuar nga PD dhe Viktor Gumi propozuar nga PS. Emri i Gumit, tërheq vëmendjen, pasi ka qenë deputet i PD në legjislaturën 2009-13, ndërsa më pas u përjashtua nga listat e selisë blu.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja