Reforma Zgjedhore, Gjiknuri:
Të rimandatohet Komisioni

TIRANE- Bashkëkryetari socialist i Komisionit të Reformës Zgjedhore Damian Gjiknuri i kërkon parlamentit të rimandatojë Komisionin, si e vetmja formë gjithëpërfshirëse për mbylljen e reformës zgjedhore. Në një prononcim për median nga kryesia e Kuvendit Gjiknuri akuzoi mazhorancën se është fajtore për mos mbylljen e reformës dhe përtej deklaratave është mirë të bëjmë ca vepra.

“Është absurde që duke qenë vetë fajtorë të akuzosh të tjerët. Gjëja e parë që duhet të bëhet dhe e menjëhershme është që Komisioni të rimandatohet dhe të përmbyllë pjesët e mbetura të reformës zgjedhore. Janë ato pika ku komisioni nuk ka gjetur dakordësi. Ka dhe cështje që janë miratuar por që duhen riparë pasi ka disa komente nga OSBE/ODIHR . Kjo është detyrë imediate dhe përtej deklaratave është mirë të bëjmë ca vepra. “

Gjiknuri tha se ka kontaktuar me mazhorancën për të vendosur mbi modalitetet për rimandatimin e komisionit, i cili ka shumë gjasa të bëhet seancën e së entejs.

“Kemi kontaktuar për modalitetet për të ringritur komisionin e reformës zgjedhore, për ta rimandatuar, sepse formë tjetër gjithëpërfshirëse si komisioni nuk gjej.
Shpresoj të rimandatohet me një afat të caktuar “- tha Gjiknuri.

Kryeministri Sali Berisha bëri ftoi dje kreun e PS-së të bashkëpunojë për të mbyllur reformën zgjedhore, ndërkohë që Rama në në reagim përmes Tëitter e cilësoi si hipokrizi thirrjen e Kryeministrit për bashkëpunim në zhbllokimin e reformës zgjedhore. Ai tha se : “Thirrjet e Berishës, mishërim i hipokrizisë së pushtetit që braktisi interesin e vendit për të çuar noterin partiak në Presidencë”
(sg/shqiparja.com)

TAG:
• OSBE