Bashkëkryetari i Komisionit për Reformën Zgjedhore, socialisti Damian Gjiknuri, së bashku me Rudina Hajdarin kanë zhvilluar një takim me reporterët e Asamblesë Parlamentare të Këshillit të Evropës, Andrej Hunko, Joseph O’Reilly dhe zv/shefin e Sekretariatit Bas Klein.
Lajmin e ka bërë të ditur vetë Gjiknuri i cili ka thënë se kanë informuar reporterët në lidhje me ecurinë e Reformës Zgjedhore. Ndër të tjera Gjiknuri shprehet se Komisioni Parlamentar për Zgjedhoren është angazhuar plotësisht për ta çuar deri në fund këtë proces.
"Bashkë me kolegen e opozitës Rudina Hajdari zhvilluam një takim me raporterët e Asamblesë Parlamentare të Këshillit të Evropës, Andrej Hunko, Joseph O’Reilly dhe Zv/shefin e Sekretariatit Bas Klein.
I informuam ata për ecurinë e deritanishme të punës në kuadër të Komisionit Parlamentar për Reformën Zgjedhore. Të angazhuar maksimalisht për kryerjen e këtij procesi në mënyrë sa më gjithëpërfshirëse por pa cënuar standardet dhe rrugën institucionale." shkruan ndër të tjera Gjiknuri.
Duhet pa tjeter me lista te hapura zgjedhje drejtperdrejt nga qytetaret