TIRANË- Partia Demokratike ka ardhur me propozime konkrete në tryezën e 'Zgjedhores' të zhvilluar ditën e sotme mes përfaqësuesve politik, ekspertët e OSBE/ ODIRH dhe ekspertët e Reformës. Në përfundim të kësaj mbledhjeje, palët dolën optimistë për ecurinë e kësaj reforme, ndonëse nuk u ra dakord për asnjë pikë konkrete. Duke u ndalur te propozimet e demokratëve, Hajdari i konsideroi të vonuara duke u bashkuar në një pikë me përfaqësuesin e mazhorancës, Damian Gjiknuri, që disa prej tyre kishin natyrë politike.
Rishikimi i ndarjes territoriale apo qeveria teknike, kërkesa këto të artikuluara nga opozita sot, por edhe më herët, Gjiknuri tha se nuk janë dhe nuk do të bëhen pjesë e tryezës për Reformën Zgjedhore dhe këtë mazhoranca ua ka bërë të qartë. "Nëse nuk janë arritur me luftë në rrugë, nuk mund t'i marrësh në tavolinën e negociatave", tha Gjiknuri.
Bylykbashi, në daljen për mediat, në përfundim të mbledhjes tha se janë tre paketa në lidhje me atë që opozita mendon se është instrumenti që do të ndajë politikën nga krimi, ku më kryesorja është që krimet zgjedhore të hetohen nga SPAK. Damian Gjiknuri, si bashkëkryetar i Komisionit të Reformës Zgjedhore theksoi komisioni do të rishikojë propozimet e sotme të sjella nga PD, ndonëse për Hajdarin janë të vonuara dhe mund të sjellin tejkalim të afatit që është 15 marsi, për këtë vuri theksin se është e nevojshme një punë shumë intesive nga të gjitha palët.
Deputetja e opozitës së parlamentare, Rudina Hajdari tha se në tryezën e Reformës Zgjedhore, eksperti i tyre do të përqendrohet në ndryshimin e sistemit zgjedhor. Duke u ndalur te propozimet e sjella nga PD-ja, Hajdari tha se një pjesë e tyre kishte natyrë politike, për të cilat sqaroi se do të gjendet një e mesme në përputhje me rekomandimet e OSBE-ODIHR. Në mbledhje nuk u ra dakord për asgjë konkrete.
"Në përgjithësi ramë dakord dhe treguam vullnetin për punët e javës në vijim. Ishim me ekspertë nga të gjitha fushat. Eksperti jonë, do merret me ndryshimin e sistemit. Kishte edhe propozime të tjera që erdhën nga PD-ja, por vijnë të një natyre politike. Perfeksioni nuk arrihet, por do gjendet konsensusi, që të zbatohen rekomandimet e OSBE-ODIHR. Pika të rëndësishme që të jenë në plan afatgjatë. Nuk u ra dakord për asgjë, por pati një vullnet të mirë për t'i akorduar ekspertët me njëra-tjetrin dhe si dhe funksionojnë në ditët ne vijim. Propozimet do ishte mirë t'i kishim marrë më herët, që takimet të jenë sa më produktive. Që t'i njohim paraprakisht dhe më pas t'i diskutojmë. Metodologjia e tanishme nuk është shumë e qartë, duke qenë se duhet t'i plotësojmë afatet, duhet të punojmë shumë intensivisht. Mendoj se do ketë vullnet dhe kërkohet një punë shumë intesive", tha Hajdari.
Në përfundim të mbledhjes së tryezës me ekspertët për Reformën Zgjedhore, përfaqësuesi politik i PS-së, Damian Gjiknuri tha se palët janë në frymën e bashkëpunimit. Duke u ndalur tek propozimet e PD-së, Gjiknuri tha se do të diskutohet në tryezë të gjithë pikat një e nga një, por jo për kërkesa politike, si qeveri teknike.
"Patëm disa propozime nga PD, edhe për kuotat gjinore dhe disa problematikave që duan të përfshihen në legjislacion, rolin e Policisë, është një dokument pune. Jemi në frymën për të gjetur bashkëpunimin, dhe jo të kërkojmë çdo lloj kërkese të natyrës politike që nuk përbën sens. Këto janë gjëra që duhet t'i shikojmë. Korrupsioni zgjedhor është një vepër penale, do e rishikojmë", tha Gjiknuri.
Përfaqësuesi politik i PD-së në tryezën e Reformës Zgjedhore, Oerd Bylykbashi ka zbardhur prezantimet e opozitës sa i përket kësaj reforme.
"Ky është takimi i dytë që patëm si grup i katër përfaqësuesve politikë bashkë me ekspertët e ODIHR-it. Opozita sot bëri disa propozime. Janë tre paketa në lidhje me atë që ne mendojmë se është instrumenti që do të ndajë politikën nga krimi, do të godasin krimin zgjedhor, do të rrisin efikasitetin e krimit zgjedhor.
Është roli i Policisë së Shtetit në një kuadër masash që garantojnë fushën e barabartë të lojës. Futja e një numri instrumentesh që kanë të bëjnë me të drejtën dhe mbrojtjen e subjekteve që do të denoncojnë krimet zgjedhore, rol të shtuar për Policinë Gjyqësore dhe elementë të tjerë që garantojnë sekretin dhe lirinë e zgjedhësve në procesin e votimit.
Po ashtu, kemi bërë propozime në lidhje me rolin që do të ketë Prokuroria, qoftë ajo e zakonshme, qoftë ajo e Posaçme në goditjen e krimit zgjedhor, në mënyrë të veçantë Prokuroria e Posaçme për korrupsionin zgjedhor, qoftë atë aktiv, qoftë atë pasiv dhe futja e këtij të fundit në kompetencat e SPAK-ut, sepse në të shkuarën është lënë jashtë duke dëmtuar një qëllim që ka jo vetëm Kushtetuta por edhe reforma zgjedhore e mëhershme, që krimi i korrupsionit zgjedhor duhet të goditet nga strukturat më të specializuara që kemi ne sot nga reforma në drejtësi.
Pra, është një paketë e cila trajton disa çështje nga axhenda e miratuar nga Komisionit dhe bashkë me ekspertizën e ekspertëve të ODIHR-it besojmë se do të ecim me shpejtësi për t’u dhënë drejtim çështjeve që janë me ndikim shumë negativ mbi procesin zgjedhor", tha Bylykbashi.
Komente
Lajme të tjera
-
‘Zgjedhorja’/ Ku kanë ngecur palët politike? Sfidë depolitizimi i administratës zgjedhore! Financimi i partive e shitblerja e votave kërkojnë adresim
13 Gusht, 22:12
-
Begaj dekreton ndryshimet në Kodin Zgjedhor: Fryt i marrëveshjes pozitë-opozitë, vota e diasporës historike! Lista e mbyllur? Nuk është tagri im
30 Korrik, 14:12 -
Mero Baze: Përse Berisha dhe Rama nuk kanë të njëjtin hall me sistemin
28 Korrik, 08:39
-
Spartak Ngjela: Turp historik! Nuk lejojnë votim të lirë, e nuk dinë të bëjnë asgjë tjetër veçse të rrinë në pushtet për privilegje
28 Korrik, 07:55
-
Politika s’ka moral, por kjo jona s’ka edhe logjikë
27 Korrik, 22:36
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55 -
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09
-
Ndryshimet në Kodin Zgjedhor, Begaj refuzon futjen menjëherë në fuqi: Ligji do kalojë procedurat normale të dekretimit
27 Korrik, 20:28 -
Preç Zogaj: Reforma e bunkerizmit të kastës plurale solidare përballë drejtësisë dhe SHBA
27 Korrik, 20:07
-
Alibeaj kërkesë Presidentit Begaj: Mos dekreto ndryshimet në Kodin Zgjedhor, me listën e mbyllur do zgjidhen deputetë të privilegjuarit e kryetarëve
27 Korrik, 17:45 -
Ndryshimet në Kodin Zgjedhor, Bardhi mbron paktin me PS: Votat e PD mundësuan votimin e Diasporës! Zbatuam vendimet e Gjykatës Kushtetuese
27 Korrik, 16:55
po ,spaku ti hetoje po te villoje qe nga 90 e deri tani mose kujtoni se jeni te paster te gjithe plera jeni pere vece popullit
Përgjigju