POP 5

Lajmet më të lexuara të 5 minutave të fundit

Politikë

Reforma zgjedhore, të vegjlit propozime për ‘Grupin e Dialogut’! Duka: Më pak zona zgjedhore! Mediu: Primarja, rikthimi i koalicioneve

Në tryezën e përbashkët të mbajtur në Durrës, aleatët e vegjël kërkuan që PD e Rithemelimit të imponojë në grupin e Dialogut për Reformën Zgjedhore reduktimin e zonave zgjedhore. Fatmir Mediu propozoi që krahas të drejtës për të votuar, emigrantët duhet të kenë edhe të drejtën për të kandiduar.

Partitë e vogla i kërkojnë përfaqësuesve të opozitës, që në grupin e Dialogut për Reformën Zgjedhore të imponojnë ndryshime që do ta kthente Kodin Zgjedhor në favor të tyre.  Për Fatmir Mediun, prioritare në draftin e propozimeve duhet të jetë kthimi i koalicioneve ndërsa diasporës t’i mundësohet jo vetëm votim, por edhe kandidim në zgjedhje.

“Primare janë koalicionet jo thjesht për interesin e opozitës por se deformimi i  votës është i dukshëm në favor të maxhorancës me prishjen e reformës zgjedhore duke marrë mandate në tryezë. Ne jemi dhe kemi qenë  në mbështetje të diasporës që jo vetëm të votojë, por edhe të kandidojë. Më e rëndësishme është ndëshkimi me ligj jo vetëm i atyre që bëjnë sekserin, por edhe kandidati e partia që vjedh votat”, tha kreu i PR. 

Agron Duka kërkon që opozita të propozojë reduktim të zonave zgjedhore, nga 12, në maksimumi 4.

"Zgjerimi i zonave, mos të jenë më 12 por të jenë 3-4, listat e hapura e emigrantët jemi dakord", u shpreh  Agron Duka Kryetar i PAA. 

Mes aleatëve të vegjël kishte edhe nga ata që kritikuan grupimin më të madh politik të opozitës, PD e Rithemelimit se është i paqartë për atë se çfarë do të kërkojë në Grupin e Dialogut për reformën zgjedhore.

“A ka PD një qëndrim, a jeni për një zonë elektorale, ta dimë të paktën? Depolitizimi i komisionerëvë shumë i rëndësishëm. Kërkojeni, ju jeni përballë faktit që s’do keni komisionerë. Financimi politik, ne marrim 10 mijë vota, 8-7, e s’marrim asgjë si i bëhet kjo? Ne s’jemi hyzmiqarë në çdo palë zgjedhje?”, tha Adriatik Alimadhi, kreu i Ballit Kombëtar

Opozita ka 3 përfaqësues në Grupin e Dialogut, Bylykbashin, Çupin dhe Erisa Xhixhon të cilët po punojnë mbi një draft për propozimet në Kodin Zgjedhor, propozime që do të nisin nga kërkesa për rikthimin e koalicioneve.

K.T./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pena: 12/04/2024 20:25

    Jane te zgjuar Dash Shehaj dhe Idrizi I Camerise te vuajtur, qe nuk ju bashkua ketyre vraseve dhe krimbave!

    Përgjigju
  • Enveri: 12/04/2024 18:16

    Po po vazhdoni ju opozites me mediun, duken, antshiqiptarin vangjel dule. Po po vazhdoni ju se per te ardhur keni ne pushtet me keta plehra. Pika qe nuk u bie si nuk e kuptoni qe po nuk iken keta nuk ju voton njeri

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46