Ministri i Ekonomisë, Sigmar Gabriel tha se këta shtetas tani do të kenë të pamundur të fitojnë azil. Gjithashtu masat e reja parashikojnë ndalimin për dy vjet të bashkimeve familjare për azilkërkuesit, të cilëve u garantohet një mbrojtje e kufizuar, si dhe përshpejtimin e deportimeve për të gjithë ata, që iu refuzua kërkesa për azil.
Mbi 1 milionë emigrantë kanë hyrë në Gjermani dhe kjo ka vënë në vështirësi kancelaren Angela Merkel dhe koalicionin qeverisës.Masat e Gjermanisë vijnë pasi edhe shumë vende evropiane kanë rritur kontrollet ndërsa e fundit ishte Finlada që njoftoi se do të dëbojë rreth 20 mijë emigrant.
Evropa duket e pafuqishme për të përballuar krizën e emigrantëve, ndërsa vdekjet në det të hapur vazhdojnë. Një ditë më parë 26 emigrantë u mbytën nga një ishull grek, pasi anija e tyre u përmbys.
Emigrantët kanë vdekur në afërsi të ishullit Samos, pranë Turqisë. Dhjetë prej viktimave ishin fëmijë.
Redaksia online
(s.m/shqiptarja.com)
![](https://www.shqiptarja.com/template/img/sh_logo1.png)