POP 5

Lajmet më të lexuara të 5 minutave të fundit

Politikë

Refuzoi Kuvendin, kërkohet 
shkarkimi i Inspektores së BSH

Komisioni i Ekonomisë i ka kërkuar Kuvendit  nisjen e procedurave për shkarkimin e Inspektorit të Përgjithshëm të Bankës së Shqipërisë Elivar Golemi, pas refuzimit të njëpasnjëshëm që kjo e fundit i bëri seancës dëgjimore në lidhje me përgjegjësitë administrative të saj në vjedhjen e 713 milionë lekëve të rinj nga thesari i shtetit. VIDEO
Ish-inspektorja:Në BSH shkelej ligji, Fullani e Këshilli heshtnin
Braçe:E rëndë, inspektori i BSH refuzoi të dalë para Kuvendit
Golemi: S’dal para Kuvendit s’ma lejon ligji, refuzoj gjyqin publik
TIRANE - Komisioni i Ekonomisë i kërkoi unanimisht Kuvendit  nisjen e procedurave për shkarkimin e Inspektorit të Përgjithshëm të Bankës së Shqipërisë Elivar Golemi, pas refuzimit të njëpasnjëshëm që kjo e fundit i bëri seancës dëgjimore në këtë Komision në lidhje me përgjegjësitë administrative në vjedhjen e 713 milionë lekëve të rinj nga thesari i shtetit.

Për kryetarin e Komisionit Erjon Brace, Golemi po sfidon institucionin më të lartë ligjvënës në vend dhe ndaj duhen marrë masa për shkarkimin e saj. Me vota unanime të deputetëve anëtare, komisioni miratoi propozimin e kryetarin Brace qe me ane te nje raporti te ve ne dijeni Konferencen e Kryetareve për të vijuar masat e parashikuara nga ligji për këtë rast.

 "S’kemi kërkuar dëshmi në kuptimin penal. Refuzimi i përsëritur i zonjës në raport me këtë institucion ka shkelur kushtetutën rregulloren e kuvendit, ligjin për BSH. Refuzimi që inspektori i bëri Kuvendit tregon standardin e ulët të Bankës së Shqipërisë në raport me Kuvendin. Është e paprecedent që një nëpunëse e Bankës së Shqipërisë të refuzoje për dy herë rresht të jetë e pranishme në një seancën dëgjimore për Bankën e Shqipërisë. Nëpunësja e emëruar pikërisht nga Kuvendi, po sfidon institucionin më të lartë ligjvënës në vend dhe për këtë duhen marrë masa", theksoi Brace. 

Ashtu si edhe në refuzimin me shkrim të seancës së parë ndaj saj, e cila dështoi ditën e djeshme, zonja Golemi ka zgjedhur t’i kthejë përgjigje Komisionit të Ekonomisë në momentet e fundit. Ndërsa po prezantonte nenet që e “detyrojnë” Inspektorin e Përgjithshëm të Bankës së Shqipërisë t’i përgjigjet Kuvendit si një person që propozohet, emërohet dhe shkarkohet nga Parlamenti, kryetari Brace është njoftuar për mbërritjen e një letre nga ana e zonjës Golemi.

“Ka ardhur një letër, tha Braçe, “Inspektori i  Përgjithshëm refuzon të vijë, duke u bazuar në disa prej neneve që në fakt nuk kanë lidhje me Kushtetutën. Ky është absurdi që thotë: Unë nuk vij para komisionit por prap thotë se do i përgjigjem me shkrim. Propozimi është që kryetari i Kuvendit të vë në dijeni Konferencën e Kryetarë për të nisur procedimin me shkakrimin e Inspektorit të BSH-së”, tha Braçe.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13