POP 5

Lajmet më të lexuara të 5 minutave të fundit

Sport

Refuzoi Maqedoninë e Veriut, Jasir Asani 'i duruari i fituari' i Kombëtares! Priti moshën 28-vjeçare për t'u veshur kuqezi

Jasir Asani duroi deri në moshën 28-vjeçare për të veshur fanellën e Kombëtares A të Shqipërisë.

Refuzoi Maqedoninë e Veriut, Jasir Asani 'i duruari i fituari' i Kombëtares! Priti moshën 28-vjeçare për t'u veshur kuqezi

Jasir Asani

Jasir Asani duroi deri në moshën 28-vjeçare për të veshur fanellën e Kombëtares A të Shqipërisë. Mëngjarashi nga Shkupi luajti ndeshjen e dytë në epokën Sylvinho, duke ia dalë të shënojë edhe golin e parë në fitoren 2-0 kundër Moldavisë në grupin E kualifikues të Euro 2024.

Nuhatja e brazilianit nuk gaboi, me ish-sulmuesin e Partizanit që në dy ndeshje ka qenë më i miri në fushë, duke dhënë zemrën për ngjyrat dhe fanellën. Prej 2017, kur Asani u bashkua me Partizanin, ai ka dashur të jetë pjesë e kombëtares shqiptare, paçka se ftesa nga Maqedonia e Veriut nuk mungoi në disa raste.

Muaj më parë, Jasiri refuzoi ftesën e trajnerit Bllagoja Milevski për të qenë pjesë e Maqedonisë së Veriut, teksa ky i fundit në një intervistë të fundit ka "qarë" refuzimin.

“Për më tej është vendim i tyre, i lojtarëve për të zgjedhur se me cilën përfaqësuese duan të luajnë. Nuk është kontestuese se Jasir Asani ka pasur gjithmonë kualitet për të luajtur, i ofruam gjithçka për të luajtur për Maqedoninë. Ka luajtur për U21 të Maqedonisë, por për më tutje ishte vendim i tij. Jasiri i dëshiroj çdo të mirë dhe shumë suksese në lojërat e përfaqësueses që ai e ka zgjedhur”, tha Bllagoja Milevski, trajneri i Maqedonisë së Veriut në futboll.

Pjesë e Guangju në Korenë e Jugut, Asani duket se ka dalë "i duruari i fituari" në këtë histori, teksa në momentin dhe vendin e duhur ka veshur fanellën kuqezi, që duket se do e mbajë si titullar për një kohë të gjatë, kjo nisur edhe nga forma që po kalon.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alb: 19/06/2023 12:46

    Shqipnija do te kishte nje e kip shum te mir mos te kishte hater dhe korruosjon ne federate tash 33 vite

    Përgjigju
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

17 Shkurt, 16:55