POP 5

Lajmet më të lexuara të 5 minutave të fundit

Bota

Refuzoi të largohej nga vendi kur pushtetin e morën talebanët, vritet ish deputetja afgane dhe truproja e saj

Një ish-deputete afgane dhe truproja e saj janë qëlluar për vdekje në shtëpinë e saj në kryeqytetin Kabul, ka thënë policia afgane.

Refuzoi të largohej nga vendi kur pushtetin e morën talebanët, vritet ish deputetja afgane dhe truproja e saj

Ish deputetja afgane, Mursal Nabizada

Një ish-deputete afgane dhe truproja e saj janë qëlluar për vdekje në shtëpinë e saj në kryeqytetin Kabul, ka thënë policia afgane. Mursal Nabizada, 32 vjeç, ishte një nga të paktat deputete femra që qëndruan në Kabul pasi talibanët morën pushtetin në gusht 2021.

Vëllai i saj dhe një roje e dytë e sigurisë u plagosën në sulmin të dielën. Ish-kolegët e vlerësuan zonjën Nabizada si një "kampione e patrembur për Afganistanin", e cila refuzoi të largohej nga vendi. Që kur talebanët u kthyen në pushtet në vitin 2021, gratë janë larguar nga pothuajse të gjitha fushat e jetës publike.

Zëdhënësi i policisë së Kabulit Khalid Zadran tha se forcat e sigurisë kishin nisur një hetim serioz për incidentin. Ish-deputetja Mariam Solaimankhil tha se Nabizada ishte një grua e fortë, e cila qëndronte edhe përballë rrezikut.

“Pavarësisht se iu ofrua mundësia të largohej nga Afganistani, ajo zgjodhi të qëndrojë dhe të luftojë për popullin e saj”, shkroi ajo në Twitter.

Ende nuk janë identifikuar autorët e krimit të rëndë por mediat e huaja raportojnë se shkak për këtë sulm janë bërë talebanët të cilët së fundmi kanë ndërtuar një sistem përjashtues për të gjitha gratë që dëshirojnë të marrin pjesë në jetën publike të Afganistanit.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze