/ATSH-AA/ - Një avion ushtarak i regjimit sirian ka ndërmarrë një sulm ajror me bomba vakumi në qytezën Arbin, në afërsi të Damaskut, duke shkaktuar të paktën 14 të vdekur dhe 30 të plagosur.
"Një avion i regjimit të Assadit ka ndërmarrë një sulm me bomba vakumi në qytezën Arbin ku kanë humbur jetën të paktën 14 persona dhe janë plagosur 30 të tjerë, përfshirë fëmijë", thanë burime që përputhen.
Ammar Bushi, një nga aktivistët për të drejtat e njeriut në këtë rajon tha se "regjimi i Assadit ka organizuar gjashtë sulme ajore në këtë rajon. Si pasojë e këtyre sulmeve shumë shtëpi janë shembur dhe shumë të tjera janë djegur".
Ushtria e regjimit të Assadit gjatë Fitër Bajramit ka organizuar një sërë sulmesh ajrore në rajone të ndryshme të vendit ku shumë persona kanë humbur jetën dhe shumë të tjerë janë plagosur.