Regjimi i Esadit vazhdon të marrë jetët e civilëve të pafajshëm në Idlib

Regjimi i Esadit vazhdon të marrë jetët e civilëve të pafajshëm në Idlib

Sipas informacioneve të marra nga observatori i opozitarëve për lëvizjen e avionëve luftarakë, regjimi i Esadit të martën ka kryer sulme ajrore ndaj nënprefekturave dhe fshatrave brenda Zonës së Ç'tensionimit në Idlib.

Siç bëjnë të ditur burimet e Mbrojtjes Civile (Beretat e Bardha) në këto sulme kanë humbur jetën 6 civilë.

Provinca e Idlibit, e cila ndodhet në veriperëndim të Sirisë, njihet si kalaja e opozitarëve pothuajse që kur ka nisur lufta civile në këtë vend, 2011.

Bashkë me migrimin e brendshëm popullsia e qendrës së provincës ka arritur deri në 4 milionë banorë.

Në vitin 2015 kontrolli i qendrës kaloi në duart e opozitarëve. Idlibi renditet në krye të zonave që merret më shumë në shënjestër nga regjimi.

Rrjeti Sirian për Monitorimin e të Drejtave të Njeriut (SNHR) njoftoi se në sulmet e regjimit të Esadit dhe Rusisë të ndërmarra mes datave 26 prill – 19 gusht në Zonën e Ç'tensionimit në Idlib kanë humbur jetën të paktën 843 civilë.

Kurse Zyra e Koordinatorit të Ndërhyrjes në Siri, një OJQ që ndjek procesin e migracionit në Zonën e Ç'tensionimit në Idlib dhe që mbledh të dhënat, raporton se që nga marrëveshja e Idlibit (e arritur ndërmjet Turqisë dhe Rusisë më 17 shtator 2018) e deri tani në këtë rajon janë zhvendosur 945 mijë e 992 civilë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Marrëveshja me Italinë për emigrantët, në Gjadër nis ndërtimi i kampit

Marrëveshja me Italinë për emigrantët, në Gjadër nis ndërtimi i kampit