POP 5

Lajmet më të lexuara të 5 minutave të fundit

Sport

Reja ndryshon formacion për ndeshjen me Anglinë, statistikat 'dënojnë kombëtaren kuqezi

Kombëtarja ka mbyllur përgatitjet për ndeshjen që do të luhet sot kundër Anglisë. Trajneri Reja për këtë përballje pritet të bëjë ndryshime të shumta në formacion, ndërsa ka deklaruar se pavarësisht vështirësisë së madhe kuqezinjtë pretendojnë rezultat pozitiv.

Sot në Air Albania kombëtarja kuqezi do të presë Anglinë, në atë që konsiderohet përballja më e vështirë e grupit për kualifikueset e Botërorit ‘Katar 2022’. Trajneri Reja ka bërë përgatitjet e fundit dhe në krahasim me ndeshjen kundër Andorës pritet të bëjë ndryshime në skemë dhe formacion.

Sipas pritshmërive italiani sot nuk do luajë me skemën e zakonshme 3-5-2, por 5-4-1. Në portë vijon kapiteni Berisha, ndërsa në krahun e djathtë të mbrojtjes me shumë gjasa do jetë Albi Doka që zë vendin e Hysajt, me këtë të fundit që do spostohet në të majtë. Në qendër të mbrojtjes Gjimshiti, Ismajli dhe Veseli, ndërsa në mesfushë nga krahët priten Kamberi dhe Uzuni. Në qendër të fushës Reja ka zgjedhur Gjasulën dhe Baren, ndërsa në sulm talenti Broja është projektuar nga minuta e parë.

Në konferencën për shtyp para ndeshjes Reja ka e ka konsideruar Anglinë si një nga kundërshtarët më të fortë në Europë, por ka thënë se Shqipëria nuk do hyjë e dorëzuar në fushë.

“Ne nuk duhet të qëndrojmë 90 minuta në mbrojtje. Duhet të sulmojmë, duhet ta frikësojmë kundërshtarin. Mund ta përballojmë një ndeshje të tillë dhe kemi potencilian për të mbajtur në tension. Nuk kemi përse të mos pretendojmë një rezultat pozitiv.”

Të dy kombëtaret para kësaj ndeshje vijnë me pikë të barabarta pas sfidave të para ku morën fitore, ndërsa përgjatë gjithë historisë Shqipëria është përballur 4 herë me Anglinë. Në të katërt këto takime jemi mposhtur dhe mbi të tjera bie në sy humbja 5-0 në vitin 1989.

 

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57